پرەپارات الماتى قالاسى قوعامدىق دەنساۋلىق باسقارماسىنىڭ قويماسىنا ءتۇستى. جالپى العاندا الماتىعا 6 مىڭ دوزا (1 جانە 2 كومپونەنت بويىنشا) بەرىلدى, ولار قدب مەديتسينالىق ۇيىمدارىنا ءبولىنىپ بەرىلدى. بۇل پرەپاراتا 3 مىڭ ادامدى ۆاكتسيناتسيالاۋعا جەتكىلىكتى. قالا تۇرعىندارىنىڭ قالاۋى بويىنشا قازاقستاندىق نەمەسە رەسەيلىك پرەپاراتتى تاڭداي الادى.
QazCovid-in ۆاكتسيناسىن قر ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك پروبلەمالارىنىڭ عىلىمي زەرتتەۋ ينستيتۋتى ازىرلەگەن. QAZ-COVID-IN – ءولى ۆيرۋستان جاسالعان ۆاكتسينا. بۇلشىق ەتكە 0,5 مل/دوزاسى ەنگىزىلەدى.
قۇرامىندا SARS-CoV-2 تازارتىلعان يناكتيۆيرلەنگەن تۇتاس ۆيريوندى شتامى بار. ول حيميالىق رەاگەنتپەن "ولتىرىلگەن" 2019-ncov ۆيرۋسىنا نەگىزدەلىپ جاسالىنعان. مۇنداي ۆاكتسينالاردا دەنە قىزۋى كوتەرىلمەيدى, قاتەرسىز. سونداي-اق Sputnik-V ۆاكتسيناسى سياقتى ەكى كومپونەنتتى جانە 21 كۇندىك ينتەرۆالمەن سالىنادى.
وتاندىق ۆاكتسينانىڭ ارتىقشىلىقتارىنىڭ ءبىرى – ساقتاۋ شارتتارى. ەگەر Sputnik-V ۆاكتسيناسى توڭازىتقىشتا -18 گرادۋس تەمپەراتۋرادا ساقتالسا, ال QazVac ۆاكتسيناسى 2-8 گرادۋس تەمپەراتۋرادا ساقتالادى. بۇل پرەپاراتتى وندىرۋشىدەن تۇتىنۋشىلارعا جەتكىزۋ لوگيستيكاسىن جەڭىلدەتەدى.
كلينيكالىق زەرتتەۋلەردىڭ ءبىرىنشى كەزەڭىنە 18-65 جاس ارالىعىنداعى 44 ەرىكتى, ەكىنشى كەزەڭگە – 200 ادام, ءۇشىنشى كەزەڭگە – 3 مىڭ ادام قاتىستى. قازاقستان دۇنيەجۇزىلىك دەنساۋلىق ساقتاۋ ۇيىمىنىڭ رەەسترىنە ءوزىنىڭ كوۆيدكە قارسى ۆاكتسيناسىن تىركەدى.
