ءىس-شارانىڭ ۇيىمداستىرۋشىسى اقپارات جانە قوعامدىق دامۋ مينيسترلىگى مەن ءبىلىم جانە عىلىم مينيسترلىگى بولدى.
فورۋمعا ەلىمىزدىڭ بارلىق وڭىرلەرىنەن جينالعان 200-دەن استام جاس عالىمدار مەن زەرتتەۋشىلەر, سونداي-اق اقپارات جانە قوعامدىق دامۋ ۆيتسە-ءمينيسترى اسحات ورالوۆ, قر بعم عىلىم كوميتەتى توراعاسىنىڭ ورىنباسارى دۋمان ورىنبەكوۆ, قر پرەزيدەنتى جانىنداعى جاستار ساياساتى جونىندەگى كەڭەستىڭ, قر بعم جانىنداعى جاس عالىمدار كەڭەسىنىڭ وكىلدەرى قاتىستى.
اسحات ورالوۆ ءوز سوزىندە: «بۇگىن مۇندا تاۋەلسىز قازاقستاندا وسكەن, جاڭا ويلاۋ قابىلەتى مەن دامۋ پاراديگماسى بار, ءوز جەتىستىكتەرى مەن تابىستارى بار جاستار جينالعانى ماڭىزدى. جاستاردى, اسىرەسە جاس عالىمداردى, كاسىپكەرلەردى, نوۆاتورلاردى ەلباسى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆ ۇنەمى قولداپ وتىراتىندىعىن اتاپ وتكىم كەلەدى».
فورۋم بارىسىندا قازاقستاننىڭ جاس عالىمدارى عىلىمنىڭ ءتۇرلى سالالارىندا ءوز تاجىريبەلەرىمەن جانە ءوز سالالارىنداعى جەتىستىكتەرىمەن ءبولىستى.
ماسەلەن, QazVac وتاندىق ۆاكتسيناسىن ازىرلەۋشىلەردىڭ ءبىرى, «بيوتەحنولوگيا» ماماندىعى بويىنشا PhD دوكتورى, قر بعم عىلىم كوميتەتىنىڭ بيولوگيالىق قاۋىپسىزدىك پروبلەمالارى عزي ميكروورگانيزمدەر كوللەكتسياسى زەرتحاناسىنىڭ مەڭگەرۋشىسى ق.د. جۇگىنىسوۆ QazVac ۆاكتسيناسىنىڭ كلينيكالىق سىناقتارىنان ءساتتى وتكەنى جانە وڭىرلەرگە جەتكىزۋ تۋرالى ايتىپ بەردى.
ء«ال-فارابي اتىنداعى قازۇۋ» كەاق پوستدوكتورانتى, «بيوسفەرا ەكولوگياسى» زەرتحاناسىنىڭ اعا عىلىمي قىزمەتكەرى, «سۋ رەسۋرستارىن ۇتىمدى پايدالانۋ» باعىتى بويىنشا ۇلتتىق عىلىمي كەڭەستىڭ مۇشەسى ن.ح. بايماتوۆتىڭ پىكىرى بويىنشا: «ادامگەرشىلىك-ەكولوگيالىق تاربيە جاستاردىڭ ەكولوگيالىق ويلاۋ ءستيلىن دامىتۋعا, تابيعي ورتادا قاجەتتى سەنىمدەر مەن مىنەز-ق ۇلىق داعدىلارىن تۇجىرىمداۋعا, ورىندى ەكولوگيالىق قىزمەت قاعيداتتارىن بەكىتۋگە باعىتتالۋى ءتيىس», دەپ اتاپ ءوتتى.
سونىمەن قاتار, ءىس-شارا سپيكەرلەرى رەتىندە «ReLive Intelligence» كومپانيالار توبىنىڭ نەگىزىن قالاۋشىسى جانە ديرەكتورى, دەرەكتەردى تالداۋ بويىنشا PhD دوكتورى, نازارباەۆ ۋنيۆەرسيتەتىنىڭ تۇلەگى ب.ب. ابدىكەنوۆ, «ۇلتتىق عارىشتىق زەرتتەۋلەر مەن تەحنولوگيالار ورتالىعى» اق باسقارما توراعاسىنىڭ ورىنباسارى, ا. ج. بيبوسىنوۆ, ينكليۋزيۆتى ءبىلىم بەرۋ بويىنشا PhD, ۇلتتىق ەرىكتى, مۇگەدەكتىگى بار جاس مامانداردىڭ تالانتتارىن دامىتۋ باعدارلاماسى اياسىندا قازاقستانداعى بۇۇ باعدارلامالىق مامانى م. ت. قارساقپاەۆا ءسوز سويلەدى.
