كوروناۆيرۋس • 24 ءساۋىر، 2021

سامۇرىق-قازىنا COVID -19 ۆاكتسيناسىنىڭ ءبىر ميلليون دوزاسىن ساتىپ الدى

46 رەت كورسەتىلدى

2021 جىلعى 13 ساۋىردەگى قر ۇكىمەتىنىڭ قاۋلىسىنا سايكەس، «سامۇرىق-قازىنا» اق Covid-19 ۆاكتسيناسىنىڭ 500 مىڭ ادامدى ۆاكتسيناتسيالاۋعا مۇمكىندىك بەرەتىن دوزاسىن ساتىپ الۋدى قارجىلاندىردى، دەپ حابارلايدى Egemen.kz.

ۆاكتسينانى جەتكىزۋ قور مەن قازاقستان رەسپۋبليكاسىنىڭ دەنساۋلىق ساقتاۋ مينيسترلىگى  جانە «سك-فارماتسيا» اق كەلىسىم شەڭبەرىندە قامتاماسىز ەتىلەدى.

«سامۇرىق-قازىنا» كومپانيالار توبىنداعى ەپيدەميولوگيالىق جاعداي ەرەكشە باقىلاۋدا جانە باسىم مانگە يە. قور - قىزمەتكەرلەردىڭ جانە ولاردىڭ وتباسى مۇشەلەرىن ۆاكتسيناتسيالاۋمەن قامتۋدىڭ بارىنشا جوعارى دەڭگەيىنە باعىتتالعان. 

كومپانيالار توبىنداعى ۆاكتسينالانعان جۇمىسشىلاردىڭ سانى 4358 ادامدى قۇرايدى، ونىڭ 1400-ءى «قمگ» ۇك» اق جۇمىسشىلارى، 1170 - «سامۇرىق-ەنەرگو»، 1021 - «قتج »اق، 405 -«قازاتومونەركاسىپ» ۇك» اق، 250 - «KEGOC» اق. «سامۇرىق-قازىنا» قورى ەلدەگى ەڭ ءىرى جۇمىس بەرۋشىلەردىڭ ءبىرى بولىپ تابىلادى - كومپانيالار توبىنا 296 كاسىپورىن كىرەدى، ولاردا 276 مىڭ قىزمەتكەر جۇمىس ىستەيدى.

«سامۇرىق-قازىنا» قورى پاندەميا باستالعالى بەرى كوروناۆيرۋسپەن كۇرەسكە بەلسەنە قاتىسۋدا. 2020 جىلى قر دەنساۋلىق ساقتاۋ مينيسترلىگىمەن ىنتىماقتاستىق تۋرالى مەموراندۋم شەڭبەرىندە اسا تاپشى پوزيتسيالار - 100 جەدەل جاردەم اۆتوكولىگى، 1000 بىرلىك وتتەگى كونتسەنتراتورى، 50 وكپەنى جاساندى جەلدەتۋ اپپاراتى، 1000 پۋلسوكسيمەتر جانە 3000 «اۆيفاۆير» ۆيرۋسقا قارسى پرەپاراتتارىنىڭ قاپتاماسى ساتىپ الىندى جانە بەرىلدى. دارىگەرلەرگە، پوليتسياعا جانە الەۋمەتتىك قىزمەتكەرلەرگە 6 ميلليون قورعانىش ماسكالارى ساتىپ الىندى، وتاندىق وندىرۋشىلەردى قولداۋ جانە دەنساۋلىق ساقتاۋ سالاسىن دامىتۋ بويىنشا شارالار كەشەنى قابىلداندى.

قوردى باسقارۋ كەڭەسىنىڭ باسشىسى نۇرسۇلتان نازارباەۆتىڭ تاپسىرماسىمەن نۇر-سۇلتان جانە الماتى قالالارىندا جۇقپالى اۋرۋلاردىڭ الدىن الۋ جانە باقىلاۋ بويىنشا ەكى ەمحانا سالۋ جوسپارلانۋدا.

 

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار