«قوعامدىق كەڭەستەردىڭ قۇقىقتارى مەن مىندەتتەرىن كەڭەيتۋ, قوعامدىق باقىلاۋ نىساندارىن رەگلامەنتتەۋ جونىندەگى شارالار دا كوزدەلگەن. ەڭ باستىسى, ۇەۇ ءتيىستى جاعداي جاساپ, باستامالاردى ۇنەمى كوتەرمەلەپ وتىرۋ قاجەت. ارينە, بۇل سالاداعى بارلىق ماسەلەنى ءبىر مەزەتتە شەشىپ تاستاۋ مۇمكىن ەمەس. سول سەبەپتى, وتكەن جىلدىڭ سوڭىندا وسى سالاداعى ماسەلەلەردى شەشۋ ءۇشىن پرەزيدەنت جارلىعىمەن الداعى 10 جىلعا ارنالعان ازاماتتىق قوعامدى دامىتۋ كونتسەپتسياسى مەن وعان ءتيىستى ۇلكەن ءىس-شارالار جوسپارى بەكىتىلدى. بۇل ەكى كەزەڭنەن تۇراتىن, سانى مەن ساپاسى جاعىنان وتە اۋقىمدى شارالاردى بىرىكتىرەتىن قۇجات. قابىلدانعان تۇزەتۋلەردى ەسكەرە وتىرىپ, جىل سايىن مەملەكەت باسشىسىنا قوعامدىق كەڭەستەردىڭ قىزمەتى تۋرالى ۇلتتىق ەسەپ ۇسىنىلادى», دەدى ۆيتسە مينيستر.
اقدم مالىمەتىنشە, ورتالىق ازياداعى ۇكىمەتتىك ەمەس ۇيىمدار ەڭ كوپ تىركەلگەن ەل – قازاقستان رەسپۋبليكاسى. تاۋەلسىزدىكتىڭ 30 جىلى ىشىندە ۇكىمەتتىك ەمەس ۇيىمدار سانى 100-دەن 22 مىڭعا دەيىن ارتقان. ونىڭ 5 مىڭنان استامى الەۋمەتتىك ماڭىزى زور ماسەلەلەردى شەشۋدە مەملەكەتكە سەنىمدى سەرىكتەس بولۋعا دايار بەلسەندى ۇيىمدار.
