ءماجىلىس دەپۋتاتى جانات وماربەكوۆا اتاپ وتكەندەي, اتالعان قۇجات مۇمكىندىگى شەكتەۋلى ادامداردىڭ ەش كەدەرگىسىز ءبىلىم الۋىنا مۇمكىندىك بەرەدى. ونىڭ ايتۋىنشا, قازىر ەلىمىزدە ەرەكشە ءبىلىم بەرۋ قاجەتتىلىكتەرى بار 162 مىڭنان استام بالا بار.
زاڭ جوباسى پسيحولوگيالىق-پەداگوگيكالىق قولداۋ قىزمەتىن قالىپتاستىرۋ, ەرەكشە ءبىلىم بەرۋ قاجەتتىلىكتەرى بار بالالاردى پسيحولوگيالىق-پەداگوگيكالىق قولداۋ بويىنشا ارنايى جاعدايلار جاساۋدى رەگلامەنتتەۋ بويىنشا تۇزەتۋلەردى قامتيدى. ءبىلىم الۋشىنىڭ دامۋ ەرەكشەلىكتەرىنە بايلانىستى وقۋ باعدارلامالارىنىڭ ۆارياتيۆتىلىگىن, يكەمدىلىگىن قامتاماسىز ەتەتىن نورمالار ەنگىزىلەدى.
«زاڭ جوباسىندا ءبىلىم بەرۋ ۇيىمى باسشىسىنىڭ ەرەكشە ءبىلىم بەرۋ قاجەتتىلىكتەرى بار بالالار ءۇشىن زاڭنامادا كوزدەلگەن ارنايى شارتتاردى جاساماعانى ءۇشىن جاۋاپكەرشىلىگى بەلگىلەنەدى», دەپ اتاپ ءوتتى كوميتەتتە.
