قازاقستان • 20 ءساۋىر، 2021

بيىل 480 اۋىلدى دامىتۋعا 105 ملرد تەڭگە باعىتتالادى – ۇەم

15 رەت كورسەتىلدى

بۇگىن پرەمەر-مينيستر اسقار ءماميننىڭ توراعالىعىمەن وتكىزىلگەن ۇكىمەت وتىرىسىندا ۇلتتىق ەكونوميكا ءمينيسترى اسەت ەرعاليەۆ اۋىلدىق اۋماقتى دامىتۋ جانە «اۋىل-ەل بەسىگى» جوباسىن ىسكە اسىرۋ تۋرالى باياندادى، دەپ حابارلايدى Egemen.kz.

ءمينيستردىڭ ايتۋىنشا، اۋىلدىق جەردە تۇراتىن ادامداردىڭ سانى 7،7 ملن نەمەسە جالپى ەل حالقىنىڭ 41%-ءى. اۋىل تۇرعىندارىن جۇمىسپەن قامتۋدا اۋىل شارۋاشىلىعىنىڭ ۇلەسى - 28،2%.

مينيسترلىك «اۋىل-ەل بەسىگى» جوباسىن ىسكە اسىرۋ بويىنشا جوسپارلى جۇمىس جۇرگىزۋدە. ونىڭ ماقساتى ينفراقۇرىلىمدى جاڭعىرتۋ ەسەبىنەن اۋىل حالقىنىڭ ءومىر ءسۇرۋ ساپاسىن جاقسارتۋ، ونى جاڭا وڭىرلىك ستاندارتتار پارامەترلەرىنە جەتكىزۋ.

88% تۇرعىن ءومىر سۇرەتىن 3،5 مىڭ اۋىل دامۋ كەلەشەگى بار دەگەن ەسەپپەن ىرىكتەلىپ الىندى. بۇلار «اۋىل-ەل بەسىگى» جوباسى شەڭبەرىندە باسىمدىققا يە بولماق.

«اعىمداعى جىلى «اۋىل – ەل بەسىگى» جوباسى شەڭبەرىندە 1،3 ملن ادام تۇراتىن 480 اۋىلدى دامىتۋعا 105 ملرد تەڭگە جۇمساۋ جوسپارلانۋدا. بۇل كولىك جانە الەۋمەتتىك ينفراقۇرىلىمدى، سونداي-اق تۇرعىن ءۇي-كوممۋنالدىق شارۋاشىلىعىن دامىتۋ ءۇشىن 1 مىڭنان استام جوبانى ىسكە اسىرۋعا مۇمكىندىك بەرەدى»، دەدى ءا.ەرعاليەۆ.

ۇلتتىق ەكونوميكا مينيسترلىگى باسشىسى اتاپ وتكەندەي، اۋىلداعى ينفراقۇرىلىمدىق ماسەلەنى شەشۋ ءۇشىن 5 جىل ىشىندە 800 ملرد تەڭگە بولىنەدى. بۇل 2025 جىلعا قاراي 3،5 مىڭنىڭ ۇستىندەگى اۋىلدىڭ 7 ملن تۇرعىنىنىڭ ءومىر ءسۇرۋ ساپاسىن جاقسارتۋعا مۇمكىندىك بەرەدى.

«اۋىل حالقى سۋمەن جابدىقتاۋ قىزمەتىنە 100% قول جەتكىزەدى. بارلىق اۋىل جوعارى جىلدامدىقتى ينتەرنەتپەن قامتىلادى. جەرگىلىكتى ماڭىزى بار جولداردىڭ 95%-ءى جاقسارتىلادى. 10 مىڭ شاقىرىم كەنتىشىلىك جول قايتا سالىنىپ، جوندەلەدى. 24 ملن شارشى مەتر تۇرعىن ءۇي پايدالانۋعا بەرىلەدى. 110 مىڭ جەر ۋچاسكەسى جەكە تۇرعىن ءۇي سالۋ ءۇشىن قاجەت ينفراقۇرىلىممەن قامتاماسىز ەتىلەدى. 12 مىڭ شاقىرىم ينجەنەرلىك جەلى سالىنىپ، جاڭعىرتىلادى. اوك-تە 845 ينۆەستيتسيالىق جوبانى ىسكە اسىرۋ ارقىلى اۋىلداردا 500 مىڭ  جاڭا جۇمىس ورنى اشىلادى»،  دەدى ءا.ەرعاليەۆ.

اۋىلداردا 5 مىڭ مەكتەپ جاڭعىرتىلىپ، جاڭا 315 مەكتەپ سالىنادى. 1 719 سپورت جانە 748 مادەنيەت نىسانى سالىنىپ، جاڭعىرتىلادى. بۇدان باسقا، 1 095 نىساندى سالۋ مەن جاڭعىرتۋ اۋىلدىق جەردەگى دەنساۋلىق ساقتاۋ قىزمەتىنىڭ ساپاسى مەن قولجەتىمدىلىگىن ارتتىرادى.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار