ايماقتار • 20 ءساۋىر، 2021

شىمكەنتتە كارانتين تالاپتارى كۇشەيتىلدى

60 رەت كورسەتىلدى

شىمكەنتتە كارانتيندىك شەكتەۋ شارالارى 20 ساۋىردەن باستاپ تاعى دا جالعاسادى، دەپ حابارلايدى Egemen.kz.

بۇل تۋرالى شىمكەنت قالاسىنىڭ باس مەملەكەتتىك سانيتاريالىق دارىگەرىنىڭ جاڭا قاۋلىسىندا ايتىلدى.
«شىمكەنت قالاسىندا كارانتين رەجيمى ۇزارتىلسىن جانە كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى شەكتەۋ شارالارى 2021 جىلعى 20 ساۋىردەن باستاپ ەپيدەميولوگيالىق جاعداي تۇراقتالعانعا دەيىن كۇشەيتىلسىن» دەپ بەكىتىلگەن.
قازىرگى تاڭدا شىمكەنت قالاسى «قىزىل» ايماقتا. جاڭا قاۋلىعا سايكەس، ادامداردىڭ كوپ جينالۋىنا بايلانىستى كەز كەلگەن (اۋىزاشار، ەسكە الۋ، تۋعان كۇندەر، مەرەي تويلار، شىعارىپ سالۋ، قۇدالىق توي، بەتاشار جانە باسقا) شارالاردى وتكىزۋگە تىيىم سالىندى. 65 جاستان اسقان ادامداردىڭ قالادا ءجۇرۋى شەكتەلدى. ساۋدا ورتالىقتارىندا، ازىق-ت ۇلىك جانە ازىق-ت ۇلىك ەمەس دۇكەندەردە، حالىققا قىزمەت كورسەتۋ سالاسىنداعى نىسانداردا جانە ادامدار كوپ جينالۋعا مۇمكىندىگى بار ورىنداردا كۇندەلىكتى دەزينفەكتسيالىق ءىس-شارالار جۇرگىزىلۋى ءتيىس. بانكەت زالداردىڭ، مەكتەپ اسحانالارىنىڭ جۇمىسىنا تىيىم سالىندى. اۆتوۆوكزالدار مەن اۆتوستانتسيالاردىڭ جۇمىسى توقتاتىلادى. 
ادامداردىڭ ايالدامالاردا جانە قوعامدىق كولىكتەردە شوعىرلانۋىن بولدىرماۋ ماقساتىندا جەلىدە كولىك قۇرالدارىنىڭ (اۆتوبۋستاردىڭ، شاعىن اۆتوبۋستاردىڭ) سانى كوبەيتىلەدى، قالعان ۋاقىتتا قوزعالىستىڭ بىركەلكى كەستەسى ۇيىمداستىرىلادى. بارلىق نىسانداردا، ونىڭ ىشىندە قوعامدىق كولىكتە، تاكسيدە سانيتاريالىق-پروفيلاكتيكالىق، سانيتاريالىق-ەپيدەمياعا قارسى جانە دەزينفەكتسيالىق ءىس-شارالاردى جۇرگىزۋ قامتاماسىز ەتىلەدى. شىمكەنت قالاسىنا ۆاكتسينانى جەتكىزۋدىڭ جوسپارلانعان كولەمىن ەسكەرە وتىرىپ كۆي-عا قارسى ۆاكتسيناتسيالاۋ جۇمىستارى جالعاسادى. وسى قاۋلى 2021 جىلعى 20 ساۋىردەن باستاپ كۇشىنە ەنەدى. 
بۇل رەتتە، بۇگىن قر پرەمەر-ءمينيسترىنىڭ توراعالىعىمەن ونلاين رەجيمدە وتكەن ۇكىمەت وتىرىسىندا قالا اكىمى مۇرات ايتەنوۆ سانيتارلىق-ەپيدەميولوگيالىق جاعداي بويىنشا بايانداما جاسادى. مۇرات دۇيسەنبەك ۇلى كوۆيدتىڭ ىقتيمال تولقىنىنا ءۇش ستسەناري بويىنشا دايىندىق جۇرگىزىلگەنىن اتاپ ءوتتى. 
«بۇگىندە قالا ا ستسەناريمەن جۇمىس ىستەپ جاتىر. جالپى قالا ۆ جانە س ستسەناريگە 100 پايىز تولىق دايىندالدى. ا – اعىمداعى جاعداي 1 290 توسەك-ورىندى قامتيدى. ۆ – ماۋسىمدىق ەپيدەميولوگيالىق جاعداي ناشارلاسا، توسەك-ورىن سانى 4 016-عا دەيىن ارتادى. س – ەپيدەميولوگيالىق داعدارىس ورىن السا، 5 416 توسەك-ورىن اشىلادى. قالا تۇرعىندارىنا قىزمەت كورسەتەتىن 11 پتر زەرتحاناسى جۇمىس ىستەۋدە. زەرتحانالاردا 1 كۇندە 6 200 تەست جاساۋعا مۇمكىندىك بار. بارلىعى 349 518 پتر تەست وتكىزىلدى. 19 ساۋىردە 1 312 پتر تەست جاسالعان. ازاماتتاردى ۆاكتسيناتسيالاۋ ءۇشىن 38 بەكەت ۇيىمداستىرىلىپ، بۇگىندە 1-ءشى كومپونەنت 67 906، 2-ءشى كومپونەنت 6 918 ازاماتقا سالىندى. ۆاكتسيناتسيالاۋعا 753 مەديتسينا قىزمەتكەرى وقىتىلىپ، جۇمىلدىرىلدى»، دەدى مۇرات دۇيسەنبەك ۇلى. 
سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار