قر قورعانىس مينيسترلىگى تاربيە جانە يدەولوگيالىق جۇمىستار دەپارتامەنتىنىڭ وكىلى, پولكوۆنيك ۆيتالي اداموۆيچ مەرەكەگە وراي قالالار مەن وڭىرلەردە شاعىن شەرۋلەر ۇيىمداستىرىلا ما دەگەن سۇراققا جاۋاپ بەردى.
«ارينە, قارۋلى كۇشتەر ارداگەرلەرىنە قۇرمەت كورسەتۋ سانيتارلىق-ەپيدەميولوگيالىق تالاپتاردى ەسكەرە وتىرىپ, ەلىمىزدىڭ بارلىق وڭىرلەرىندە وتەدى. ياعني, ءىس-شارالار نەگىزىنەن ونلاين فورماتتا وتەدى. وعان قوسا ءبىزدىڭ «جاس سارباز» قوزعالىسى بىرقاتار شارالار جوسپارلاپ وتىر. جاس پاتريوتتار دا قارۋلى كۇشتەردىڭ ارداگەرلەرىن قۇتتىقتايدى. ءار ءوڭىردىڭ ەپيدەميولوگيالىق جاعدايى (قىزىل, سارى, جاسىل ايماقتار) مۇمكىندىك بەرسە, ءتيىستى سالتاناتتى جينالىستار وتكىزىلىپ, ارداگەرلەر اسكەري بولىمدەرگە شاقىرىلادى, وندا قىزمەت ەتۋ تاجىريبەسى تۋرالى ايتادى. نەگىزگى ۇيىمداستىرىلاتىن ءىس-شارالار وسى», دەدى ۆيتالي اداموۆيچ ۆەدومستۆونىڭ ونلاين-بريفينگىندە.
سپيكەر مەرەكەلىك ءىس-شارالار الەۋمەتتىك جەلىلەردەن كورسەتىلە مە جانە ولاردى قازاقستاندىقتار كورە الا ما دەگەن سۇراققا دا جاۋاپ بەردى. «7 مامىر جانە ۇلى وتان سوعىسىنداعى جەڭىس كۇنى – بارلىق قازاقستاندىقتار ءۇشىن ايتۋلى كۇندەر. ارينە, ءبىز رەسپۋبليكالىق تەلەارنالاردا دا, قورعانىس مينيسترلىگىنىڭ Youtube-ارناسىندا دا, «جاس سارباز» قوزعالىسىنىڭ Youtube-ارناسىندا جانە باسقا دا الەۋمەتتىك جەلىلەردە بىرقاتار كورسەتىلىم جوسپارلادىق. ءبىز قارۋلى كۇشتەردىڭ ارداگەرلەرى مەن ۇلى وتان سوعىسىنىڭ ارداگەرلەرىنە قۇرمەت كورسەتۋ ءۇشىن وتكىزىلەتىن بارلىق شارالاردى كورسەتۋگە تىرىسامىز», دەپ اتاپ ءوتتى ۆ. اداموۆيچ.
سونىمەن بىرگە, قازاقستاندىقتار 7 مامىردا ساعات 15.30-دا «حابار» تەلەارناسىنان كورسەتىلەتىن مەرەكەلىك باعدارلامانى تاماشالاي الادى.
