كەلىسسوزدەرگە سونداي-اق, ارمەنيا, بەلارۋس, قازاقستان, قىرعىزستان, رەسەي, تاجىكستان ەلدەرىنىڭ مۇددەلى مينيسترلىكتەرى مەن ۆەدومستۆولارىنىڭ, ۇجىمدىق قاۋىپسىزدىك تۋرالى شارت ۇيىمىنىڭ حاتشىلىعى مەن بىرىككەن شتابىنىڭ وكىلدەرى قاتىستى.
قر قارۋلى كۇشتەرى باس شتابىنىڭ ستراتەگيالىق جوسپارلاۋ دەپارتامەنتىنىڭ باستىعى گەنەرال-مايور مارات ايماشەۆ قازاقستاندىق دەلەگاتسيانى باسقاردى.
كەلىسسوزدەر بارىسىندا تاراپتار «ىزدەۋ-2021» وقۋ-جاتتىعۋىن بارلاۋ كۇشتەرى جانە قۇرالىمدارىمەن, «ەشەلون-2021» ماتەريالدىق-تەحنيكالىق قامتاماسىز ەتۋ كۇشتەرىمەن جانە قۇرالدارمەن, ء«وزارا ءىس-قيمىل-2021» ۇقشۇ-نىڭ جەدەل دەن قويۋ قۇرىلىمدىق كۇشتەرىمەن, «مىزعىماس باۋىرلاستىق-2021» ۇقشۇ-نىڭ بىتىمگەرلىك كۇشتەرىمەن جانە ورتالىق ازيا وڭىرلەرىندە ۇجىمدىق جەدەل ورىستەتۋ كۇشتەرىنىڭ بولىمشەلەرىمەن, «شەپ-2021» وقۋ-جاتتىعۋلارىن وتكىزۋ جانە ۇيىمداستىرۋ ماسەلەلەرىن تالقىلادى.
وقۋ-جاتتىعۋ قىرعىزستان, رەسەي, تاجىكستان اۋماقتارىندا وتەدى. ءىس-شارالاردى ورىنداۋ ءتارتىبى مەن وتكىزۋ مەرزىمى ەپيدەميولوگيالىق جاعدايعا بايلانىستى وزگەرۋى مۇمكىن.
بۇدان وزگە, كەلىسسوزدەرگە قاتىسۋشىلار ۇقشۇ ۇجىمدىق قاۋىپسىزدىك اۋداندارىندا اسكەري قاۋىپ-قاتەرلەر ماسەلەسىن تالقىلادى. شارتقا قول قويۋشى تاراپتار قاۋىپ-قاتەرلەردىڭ اۋقىمىن جانە ولاردى بەيتاراپتاندىرۋداعى ۇيلەسىمدى بىرلەسكەن ءىس-قيمىل قاجەتتىگى تۋرالى بىرىڭعاي تۇسىنىگىن راستادى.
