فوتو: ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى
ازىق-ت ۇلىك نارىعىنداعى وزگەرىس
اقپان ايىندا بىرقاتار كوكونىس باعاسى ءوستى. اتاپ ايتقاندا, قيار – 3,9%, باستى پياز – 3,2%, اپەلسين – 0,9%, تاۋىق ەتى – 0,6% قىمباتتادى. ال سۇيەكسىز سيىر ەتى 0,2% تومەندەدى.
وڭدەلگەن ونىمدەر اراسىندا كونسەرۆىلەنگەن جۇگەرى باعاسى 8,6%, مينەرالدى سۋ 6,8% ءوستى.
جىلدىق ەسەپتە كەيبىر الەۋمەتتىك ماڭىزى بار تاۋارلار ارزاندادى: كوك شوپتەر (كوك پياز, اسكوك, اقجەلكەن) – 7,6%, كادى – 6,2%, كۇرىش – 4,3%, قىرىققابات – 1,5% تومەندەدى. ال مەيىز – 8,8%, ءتاتتى پەچەنە – 8,5%, بال – 7,2%, قۇرما – 5,8% قىمباتتاعان.
جالپى العاندا, جىلدىق ماندە ازىق-ت ۇلىك باعاسى 12,7% ءوستى.
مەملەكەت باسشىسى: ينفلياتسيانى ويعا قونىمدى دەڭگەيگە ءتۇسىرۋ قاجەت
تۇرمىستىق تاۋارلار باعاسى جانە قىزمەت كورسەتۋ سالاسى
ازىق-ت ۇلىككە جاتپايتىن تاۋارلار سەگمەنتىندە دە باعا قۇبىلۋى بايقالدى. كىر جۋاتىن ماشينالار 7,4%, ستەريلدى تاڭعىشتار 3,8%, ەلەكتر شاينەكتەر 2,6% قىمباتتادى. سمارتفوندار 1,7% ارزاندادى.
كەيبىر تاۋارلار بويىنشا ءوسىم ايتارلىقتاي بولدى: ۇتىكتەۋگە ارنالعان تاقتاي – 12,4%, ستاكاندار جيىنتىعى – 8,9%, كىر جۋ ۇنتاعى – 1,5%.
2025 جىلعى اقپانمەن سالىستىرعاندا دۋشقا ارنالعان گەل 15%, تسەمەنت 11,2%, جۋ جانە تازالاۋ قۇرالدارى 9,3%, تۇسقاعاز جەلىمى 5,7% ءوستى.
جىلدىق ماندە ازىق-ت ۇلىك ەمەس تاۋارلار 11,6% قىمباتتادى.
اقىلى قىزمەتتەر باعاسى اقپاندا 1% ءوستى. كينوتەاتر قىزمەتى 2,2%, فوتوگراف قىزمەتى 0,5% قىمباتتادى.
جىلدىق كورسەتكىش بويىنشا كيىم تازالاۋ قىزمەتى – 14,5%, كوسمەتولوگ قىزمەتى – 12,7%, جاتتىعۋ زالدارى ابونەمەنتى – 10,1% وسكەن. جالپى, اقىلى قىزمەتتەر باعاسى ءبىر جىلدا 10,8% ارتتى.
تۇتىنۋ سەبەتىنىڭ قۇرىلىمى
2026 جىلعى قاڭتاردان باستاپ تۇتىنۋ باعالارى يندەكسىن ەسەپتەۋ كەزىندە ازىق-ت ۇلىك تاۋارلارىنىڭ ۇلەسى 41,1%, ازىق-ت ۇلىك ەمەس تاۋارلار – 28,4%, اقىلى قىزمەتتەر – 30,5% بولدى.
ينفلياتسيا دەڭگەيىن سيپاتتايتىن تۇتىنۋ باعالارى يندەكسى اي سايىن ەسەپتەلەدى. باعالار مەن تاريفتەرگە باقىلاۋ 537 پوزيتسيا بويىنشا جۇرگىزىلەدى. 2018 جىلدان بەرگى ديناميكا ارنايى ازىرلەنگەن ينتەراكتيۆتى داشبوردتا كورسەتىلگەن.
ۇلتتىق ستاتيستيكا دەرەگى باعا ءوسىمى بارلىق نەگىزگى ساناتتا ساقتالىپ وتىرعانىن اڭعارتادى. بۇل ءۇردىس ىشكى نارىقتاعى سۇرانىس پەن ۇسىنىس تەڭگەرىمىنە, سونداي-اق سىرتقى فاكتورلارعا تىكەلەي بايلانىستى.
جىلدىق ينفلياتسيانىڭ باياۋلاۋى باعا تومەندەۋىنە اسەرىن تيگىزە الدى ما؟
