تالقىلاۋعا سونداي-اق شىعىس قازاقستان وبلىستىق ءماسليحاتىنىڭ توراعاسى, وڭىرلىك كواليتسيا جەتەكشىسى دەنيس رىپاكوۆ, پارلامەنت ءماجىلىسىنىڭ دەپۋتاتتارى دەپۋتاتى ۇلىقبەك تۇماشينوۆ جانە سەرگەي پونومارەۆ, كاسىپوداقتار فەدەراتسياسىنىڭ توراعاسى ساتىبالدى داۋلەتالين, سونداي-اق ءوڭىردىڭ تۋريستىك سالا وكىلدەرى قاتىستى.
ايدا بالاەۆا جاڭا كونستيتۋتسيا جوباسى ادامدى, ونىڭ قۇقىقتارى مەن قاۋىپسىزدىگىن, لايىقتى بولاشاعىن باستى ورىنعا قوياتىن ساپالى جاڭا دامۋ مودەلىن قالىپتاستىراتىنىن اتاپ ءوتتى. سونىمەن قاتار قۇجات مەملەكەتتىلىكتى نىعايتۋعا جانە ەلدىڭ ەكونوميكالىق وسىمىنە بەرىك قۇقىقتىق ءارى ينستيتۋتسيونالدىق نەگىز قالايدى.
ۆيتسە-پرەمەر تۋريستىك سالا ءۇشىن قۇقىقتىق ورتانىڭ بولجامدىلىعى, ينۆەستيتسيالاردىڭ قورعالۋى جانە تابيعي ءارى مادەني مۇراعا ۇقىپتى قاراۋ قاعيداتتارىنىڭ بەكىتىلۋى ايرىقشا ماڭىزعا يە ەكەنىن ايتتى.
«تابيعاتقا ۇقىپتى قاراۋ قاعيداتىن بەكىتۋدىڭ ءمانى زور. تۋريزم سالاسى ءۇشىن بۇل ستراتەگيالىق ماڭىزعا يە. قورشاعان ورتانى قورعاۋ – تەك ەكولوگيا ماسەلەسى ەمەس, بۇل – ۇلتتىق قاۋىپسىزدىك پەن بالالارىمىزدىڭ بولاشاعى. تابيعات – جاي عانا ەكونوميكالىق رەسۋرس ەمەس, ول – ۇلتتىق بىرەگەيلىگىمىزدىڭ, تاريحىمىز بەن مادەنيەتىمىزدىڭ ءبىر بولىگى. ونى ساقتاۋ – ءبىزدىڭ پارىزىمىز. ونى ۇتىمدى دامىتۋ – كەلەر ۇرپاق الدىنداعى جاۋاپكەرشىلىگىمىز. تۋريزم سالاسى ءۇشىن اسىرەسە بولجامدى ەرەجەلەر مەن سەنىم ماڭىزدى. ينۆەستور مەن كاسىپكەر قۇقىقتىق ورتانىڭ اشىقتىعىنا, مەنشىكتىڭ قورعالۋىنا جانە مەملەكەتتىك شەشىمدەردىڭ تۇراقتىلىعىنا سەنىمدى بولۋى ءتيىس», دەدى ايدا بالاەۆا.
ءوز كەزەگىندە لۋكبەك تۋماشينوۆ ءتۋريزمنىڭ تۇراقتى دامۋى تابيعي اۋماقتاردى قورعايتىن ءارى بيزنەسكە ينفراقۇرىلىمعا, سەرۆيسكە جانە جاڭا باعىتتارعا ينۆەستيتسيا سالۋعا سەنىمدىلىك بەرەتىن ناقتى قۇقىقتىق باعدارلارسىز مۇمكىن ەمەس ەكەنىن اتاپ ءوتتى.
سەرگەي پونومارەۆ كونستيتۋتسيالىق رەفورما جونىندەگى كوميسسيا مۇشەسى رەتىندە ءبىر پالاتالى پارلامەنت – قۇرىلتاي مودەلىنە كەڭىنەن توقتالدى. ونىڭ ايتۋىنشا, وزگەرىستەردىڭ ءمانى – تيىمدىلىكتى ارتتىرۋ, ارتىق بيۋروكراتيانى قىسقارتۋ جانە سايلانعان دەپۋتاتتاردىڭ جاۋاپكەرشىلىگىن كۇشەيتۋ.
كەزدەسۋ قورىتىندىسىندا شىعىس قازاقستان وبلىسىنىڭ تۋريستىك سالا وكىلدەرى كونستيتۋتسيالىق رەفورمانى قولدايتىندارىن ءبىلدىرىپ, الداعى رەفەرەندۋمعا قاتىسۋدىڭ ماڭىزدىلىعىن اتاپ ءوتتى. ولاردىڭ پىكىرىنشە, بۇل – سەنىمدى ارتتىرۋعا, ينۆەستيتسيالىق احۋالدى جاقسارتۋعا جانە وڭىرلەردىڭ تۇراقتى دامۋىنا ىقپال ەتەتىن تىكەلەي حالىق ەركىن ءبىلدىرۋ تەتىگى.
