جۋرنالدا الماتى ىلە الاتاۋىنىڭ باۋرايىنداعى تابيعات پەن زاماناۋي ۋربانيستىك كەڭىستىكتى ۇيلەستىرگەن قارقىندى دامىپ كەلە جاتقان مەگاپوليس رەتىندە كورسەتىلگەن. رەداكتسيا كەڭەستىك مودەرنيزمنەن باستاپ قازىرگى قوعامدىق كەڭىستىكتەرگە دەيىنگى ساۋلەت ەۆوليۋتسياسىنا نازار اۋدارىپ, قالانىڭ گاسترونوميالىق مادەنيەتى مەن كرەاتيۆتى يندۋسترياسىنىڭ دامۋىن دا اتاپ وتەدى.
باسىلىمدا رەسپۋبليكا الاڭى مەن تاۋەلسىزدىك مونۋمەنتى, ۆوزنەسەنسكي كافەدرالدى سوبورى, كوكتوبە سياقتى كورنەكتى ورىندار جەتە تانىستىرىلعان. سونىمەن قاتار يسپان ءمۇسىنشىسى جاۋمە پلەنسانىڭ «نادەس» اتتى ءمۇسىنى دە نازاردان تىس قالماعان.
The Telegraph باسىلىمى ماڭعىستاۋدى الەمدەگى ەرەكشە 10 ءشولدىڭ قاتارىنا قوستى
الماتىداعى ءتۇسىرىلىم جۇمىستارى 2025 جىلى جازدا وتكەن. ۇيىمداستىرۋشىلىق قولداۋ مەن لوكاتسيالاردى ۇيلەستىرۋدى Almaty Tourism Bureau قامتاماسىز ەتكەن.
Vogue باسىلىمى قازاقستاندى 2025 جىلعى ەڭ ۇزدىك 14 باعىتقا قوستى
ايتا كەتەيىك, Porschist – 20 جىلدان استام تاريحى بار, حالىقارالىق اۋديتورياسى قالىپتاسقان ەۋروپالىق باسپا جۋرنالى ءارى ونلاين پلاتفورما. ءار سانى بەلگىلى ءبىر ەلگە ارنالىپ, ونى ساۋلەت, مادەنيەت, تابيعي لاندشافت جانە ءومىر سالتى ارقىلى تانىستىرادى.
باسقا باسىلىمداردان: قازاقستان نەگىزگى ترانزيتتىك دالىزدەردى دامىتىپ جاتىر
ارنايى شىعارىلىم قازاقستاننىڭ حالىقارالىق مەدياكەڭىستىكتەگى تانىمالدىلىعىن ارتتىرادى.
