كەزدەسۋ بارىسىندا كولىك جانە لوگيستيكا, تسيفرلىق تەحنولوگيالاردى دامىتۋ, تۇرعىن ءۇي نارىعى, «جاسىل» قارجىلاندىرۋ جانە تاعى دا باسقا سالالارداعى جوبالار تالقىلاندى. جاساندى ينتەللەكت, داتا-ورتالىقتار سالۋ, تالشىقتى-وپتيكالىق ماگيسترالدار جۇرگىزۋ, كولىك دالىزدەرى مەن كەدەندىك راسىمدەردى تسيفرلاندىرۋ سالاسىنداعى ىنتىماقتاستىقتى دامىتۋ الەۋەتى اتاپ ءوتىلدى. قاراعاندىدا كادرلار دايارلاۋ جانە عىلىمي زەرتتەۋلەر جۇرگىزۋ ءۇشىن 300 توسەك ورىنعا ارنالعان ۋنيۆەرسيتەتتىك اۋرۋحانا سالۋ بويىنشا مەملەكەتتىك-جەكەشەلىك ارىپتەستىك جوباسىن جۇزەگە اسىرۋ بارىسى قارالدى.
پرەمەر-مينيستر مەملەكەت باسشىسى قاسىم-جومارت توقاەۆ قازاقستاننىڭ ينفراقۇرىلىمدى جاڭعىرتۋ جونىندەگى نەگىزگى ارىپتەستەرىنىڭ ءبىرى – ازيا دامۋ بانكىمەن جان-جاقتى ءوزارا ءىس-قيمىلعا ەرەكشە ءمان بەرەتىنىن اتاپ ءوتتى. ىنتىماقتاستىق ساپالى وسىمگە جانە حالىقتىڭ ءال-اۋقاتىن ارتتىرۋعا باسا نازار اۋدارا وتىرىپ, ەكونوميكالىق دامۋدى ترانسفورماتسيالاۋعا باعىتتالعان.
ازيا دامۋ بانكىنىڭ پرەزيدەنتى ماساتو كاندا قارجى سەكتورىنىڭ تۇراقتىلىعىن ارتتىرۋدى قوسا العاندا, قازاقستاننىڭ قۇرىلىمدىق رەفورمالار بويىنشا جۇرگىزىپ جاتقان جۇمىسىن جوعارى باعالادى, سونداي-اق ەكونوميكا سەكتورلارىن اۋقىمدى تسيفرلاندىرۋدى قولداۋعا مۇددەلى ەكەنىن ءبىلدىردى.
مەملەكەت باسشىسى ازيا دامۋ بانكى پرەزيدەنتى ماساتو كاندانى قابىلدادى
ەل ۇكىمەتى مەن ازيا دامۋ بانكى اراسىندا 2026-2029 جىلدار ارالىعىندا جالپى سوماسى شامامەن 5,5 ملرد دوللار بولاتىن 15 پەرسپەكتيۆالىق جوبانى جۇزەگە اسىرۋ بويىنشا ءوزارا تۇسىنىستىك تۋرالى مەموراندۋمعا قول قويىلدى. قۇجات ەكونوميكادا جاڭا اۋقىمدى جوبالاردى جۇزەگە اسىرۋ ءۇشىن مۇمكىندىك اشادى. اتاپ ايتقاندا, وڭىرلىك ءوزارا بايلانىس, تابيعي اپاتتارعا توزىمدىلىكتى ارتتىرۋ, سۋ رەسۋرستارىن باسقارۋ, تكش, تۇرعىن ءۇي نارىعىن دامىتۋ جانە تاعى دا باسقا باعىتتار بويىنشا باستامالار جوسپارلانعان. سونداي-اق ادب جەكە سەكتوردى, ونىڭ ىشىندە اۋىل شارۋاشىلىعى ونىمدەرى, كولىك جانە لوگيستيكا سياقتى باسقا دا سالالارداعى جوبالاردى قارجىلاندىرۋدى جالعاستىرادى.
ازيا دامۋ بانكى قازاقستانعا 7 ملرد دوللاردان اسا قارىز بەردى
سونىمەن قاتار «قازاۆتوجول» ۇك» اق پەن ازيا دامۋ بانكى اراسىندا سارىاعاش قالاسىن اينالىپ وتەتىن, ۇزىندىعى 102 شاقىرىم بولاتىن اينالما جول سالۋ جوباسى بويىنشا كەلىسىمشارتقا قول قويىلدى. اتالعان جول ب. قونىسباەۆ اتىنداعى وتكىزۋ پۋنكتى ارقىلى وزبەكستانعا شىعۋدى قامتاماسىز ەتەدى. جاڭا جول ترانزيتتىك اعىندى ەلدى مەكەننەن تىس جەرلەرگە شىعارۋعا مۇمكىندىك بەرەدى, بۇل تۇرعىنداردىڭ قاۋىپسىزدىگىن قامتاماسىز ەتەدى, اۆتوموبيل قاتىناسىن جەدەلدەتەدى جانە قازاقستان مەن وزبەكستان اراسىنداعى ساۋدانىڭ تيىمدىلىگىن ارتتىرادى.
