ايماقتار • 16 ءساۋىر، 2021

تۇركىستان وبلىسىندا 22 مىڭنان اسا وقۋشى تەست تاپسىرادى

17 رەت كورسەتىلدى

تۇركىستان وبلىسى بويىنشا جالپى 900-دەن استام مەكتەپتە 500 مىڭعا جۋىق وقۋشى ءبىلىم الۋدا. ونىڭ ىشىندە تۇلەكتەر سانى – 27 410. ولاردىڭ 22 مىڭنان استامى ۇبت تاپسىرۋعا نيەت ءبىلدىرىپ وتىر، دەپ حابارلايدى Egemen.kz.

ءبىلىم جانە عىلىم مينيسترلىگىنىڭ «2021 جىلعى 1 ناۋرىز بەن 30 ماۋسىم ارالىعىندا وتكىزىلەتىن ۇلتتىق بىرىڭعاي تەستىلەۋدى ۇيىمداستىرۋ تۋرالى» 26 اقپانداعى بۇيرىعىنا سايكەس وبلىستا 5 اۋدان، قالا جانە شىمكەنت قالاسىندا ورنالاسقان «USTUDY» تەستىلەۋ ورتالىقتارىندا ۇبت كومپيۋتەرلىك فورماتتا ءوتكىزىلەدى. تەستىلەۋ ورتالىقتارىندا 25 اۋديتوريادا 620 ورىن دايىندالعان. وقۋشى ۇبت تاپسىراتىن اۋدان، قالانى ءوز قالاۋى بويىنشا تاڭدايدى. بارلىق تەستىلەۋ پۋنكتتەرى تەپلوۆيزورلارمەن، مەدپۋنكتتەرمەن، زارارسىزداندىرۋ توننەلدەرىمەن، سانيتايزەرلەرمەن، دەزينفەكتسيالاۋشى كىلەمشەلەرمەن، بەتپەردەلەرمەن، قولعاپتارمەن قامتاماسىز ەتىلگەن. 

ايتا كەتەيىك، 2019-2020 وقۋ جىلىندا 11-سىنىپتى 24658 وقۋشى ءبىتىردى. وبلىس بويىنشا مەكتەپ بىتىرۋشىلەرىنءىڭ 18394-ءى (قازاق تىلىندە – 17070، ورىس تىلىندە – 1320، اعىلشىن تىلىندە - 4)  تەست تاپسىرۋعا ءوتىنىش بەرگەن بولاتىن. ۇبت-نى 17701 وقۋشى تاپسىرعان.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار