تەاتر • 16 ءساۋىر، 2021

كارانتين ارتىستەرگە جاڭا مۇمكىندىك اشتى

27 رەت كورسەتىلدى

«استانا وپەرا» تەاترىنىڭ ترۋپپاسى كارانتين كەزىندە حالىقتى ورەلى ونەرلەرىمەن ۇنەمى قولداپ، دەمەپ وتىردى. سوليستەر سونداي كۇردەلى كەزەڭدە وزدەرىنىڭ جان دۇنيەسىن تولقىتقان اسەرلەرىمەن ءبولىسىپ، شىعارماشىلىقتى دامىتۋدا جاڭا ءبىر فورمالارعا بارعاندىعىن بايان­دادى.

– قانداي دا ءبىر وقيعاعا باعا بەرۋ ءۇشىن الدىمەن ۋاقىت قاجەت. ەلىمىزدى شىرماعان ىندەتتىڭ باستالعانىنا دا ءبىر جىلدان استى. سودان بەرى حالقىمىز كوروناۆيرۋس سىناعىنا تايسالماي توتەپ بەرىپ كەلەدى. وسىنداي قيىن شاقتا
تەاتر ۇجىمى دا قاراپ وتىرمادى، بىرنەشە رەت قولدانۋعا بولاتىن قورعانىش ماس­كاسىن تىگۋدى باستاپ، العاشقىلاردىڭ ءبىرى رەتىندە ەلوردا تۇرعىندارىنا كومەك قولىن سوزدى. بالەت ارتىستەرى مەن ۆوكاليس­تەر مادەنيەت جانە سپورت مينيسترلىگى جاسالعان جوبالارعا، دالىرەك ايتقاندا مينيستر اقتوتى رايىمقۇلوۆانىڭ باس­تاماسىمەن جۇزەگە اسقان « كارانتيندەگى جۇلدىز» تەلەجوباسىنا قاتىستى. قاتاڭ كارانتين جەڭىلدەتىلگەننەن كەيىن تەاتر ايتۋلى پرەمەرالاردى قويىپ، بارشا كورەرمەنگە سىي جاسادى، − دەپ اتاپ ءوتتى «استانا وپەرا» تەاترىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى عالىم احمەدياروۆ.

ال «استانا وپەرا» وپەرا ترۋپپاسىنىڭ باسشىسى، قازاقستاننىڭ ەڭبەك سىڭىرگەن قايراتكەرى ازامات جىلتىركوزوۆ كۇشەي­تىلگەن كارانتين كەزىندە ونلاين-جوبالار كورەرمەندەردى عانا ەمەس، سونىمەن بىرگە ورىنداۋشىلاردى دا قۇتقارىپ قالعانىن، اسىرەسە ونەرپازداردىڭ شىعارماشىلىعىن شىڭداۋعا اسەرى بولعاندىعىن ايتتى.

سونداي-اق تالعات مۇساباەۆ، مەدەت چوتاباەۆ، جۇپار عابدۋللينا، جاننات باقتاي، سالتانات احمەتوۆا، ەۆگەني چاينيكوۆ، باعدات ءابىلحانوۆ سەكىلدى تالانتتى ونەرپازدار تەاتردىڭ جۇرەگى ساحنا ەكەندىگىن ايتا كەلىپ، كاران­تين جەڭىلدەتىلگەننەن «دون پاسكۋالە»، «ماحاببات سۋسىنى»، «دالا ءۇنى» قويى­لىمدارىنىڭ پرەمەرالارى، كوپتەگەن جاڭا كونتسەرت پەن سيمفو­نيالىق باع­دارلاما ارتىستەر مەن كورەر­مەن­دەر­دىڭ جۇرەگىنە ءۇمىت وتىن جاققان­دىعىن جەت­كىزدى.

ءبىر جاعىنان كارانتين بالەت ارتىستەرىنە دە وڭاي تيمەدى، ولار ءۇشىن دايىندىقسىز وتكىزگەن ءبىر كۇننىڭ ءوزى جۇمىسسىز ەكى اپتاعا پارا-پار دەۋگە بولادى.

– دەنە قيمىل-قوزعالىستىڭ جوقتىعىن بىردەن سەزەدى، ءۇي جاعدايىندا جاسالعان جاتتىعۋ زالداعى تولىققاندى ساباقتى الماستىرا المايدى. داعدىعا اينالعان جۇمىس تارتىبىمىزگە بىردەن كىرىسىپ كەتۋ وڭاي بولمادى. سوندىقتان سپەكتاكلدەردە ونەر كورسەتۋ، ءتىپتى كورەرمەندەردىڭ شەكتەۋلى سانىنا پرەمەرالار قويۋ مۇم­كىندىگى بولعانعا قۋاندىق. بالەت ءار­تىسىنىڭ شىعار­ماشىلىق عۇمىرى قىسقا، سول سە­بەپتى ءبىز ءۇشىن ءار كۇنىمىز بەن سا­عاتىمىز اسا ماڭىزدى. ەڭبەگىمىزدىڭ ەرەكشەلىگىن ءتۇسىنىپ، زەينەتكە ەرتە شىعۋ جاسىن قاي­تارعانى ءۇشىن مينيسترلىگىمىزدىڭ باسشىلارىنا العىسىم شەكسىز، ەندى تولەمدەر الۋ ءۇشىن 20 جىل جۇمىس ىستەۋ جەتكىلىكتى، – دەيدى «استانا وپەرانىڭ» جەتەكشى ءسوليسى، قازاقستاننىڭ ەڭبەك سىڭىرگەن قايراتكەرى باقتيار ادامجان.

سونىمەن بىرگە بەكزات ونەر وردا­سىنىڭ مۋزىكاتانۋشىسى مارجان جاكە­نوۆانىڭ ايتۋىنشا، مادەنيەت جانە سپورت مينيستر­لىگى نۇر-سۇلتان قالاسى اكىمدىگىمەن بىرلەسىپ ىسكە اسىرعان «تەاتر ساباعى»، سونداي-اق بالالار ءۇيىنىڭ تار­بيە­­لەنۋشىلەرىنە ارنالعان بىرقاتار قايى­رىمدىلىق اكتسيا مەن كونتسەرتتىك جوبانىڭ ماڭىزى دا زور.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار