الەم • 15 ءساۋىر، 2021

Ever Given مىسىردا قالدى

5 رەت كورسەتىلدى

مىسىر بيلىگى سۋەتس كانالىنا قايراڭداپ قالعان جۇك كەمەسى Ever Given-ءدى تاركىلەدى. كەمەنىڭ يەسى الەمدىك ساۋداعا ۇلكەن شىعىن اكەلگەن وقيعانىڭ وتەماقىسىن تولەمەيىنشە، Ever Given ەندى ورنىنان قوزعالمايدى.

 

قازىرگى تاڭدا تاراپتار وتەماقىنىڭ كولەمى قانشا بولۋى قاجەت ەكەنىنە كەلىسە الماي جاتىر. مىسىر تاراپى وقيعادان كەلگەن شىعىندى 1 ملرد دوللارعا جۋىق سوماعا باعالاپ وتىر.

ءوز كەزەگىندە كەمەنىڭ يەسى جاپونيالىق Shoei Kisen Kaisha سالىنعان وتەماقى مولشەرىمەن كەلىسپەيدى. ايتسە دە، كومپانيا وكىلى رۋي مۋراكوشيدىڭ ايتۋىن­شا، قازىرگى تاڭدا مىسىر بيلىگىمەن كەلىسسوزدەر جالعاسىپ جاتىر.

سۋەتس كانالى اكىمشىلىگى توراعاسى وساما ءرابيدىڭ ايتۋىنشا، وتەماقى كولەمى قۇتقارۋ جۇمىستارىنا، كانال جاعالاۋىنا كەلگەن زارداپقا جانە ءارلى-بەرلى وتكەن كەمەلەردەن تۇسەتىن قاراجاتتىڭ توقتاپ قالۋىنا بايلانىستى ەسەپتەلگەن.

جەرگىلىكتى بۇقارالىق اقپارات قۇرالدارىنا سۇيەنسەك، مىسىر سوتى Ever Given-ءنىڭ يەسى وتەماقىنى تولىق تولەمەگەن جاعدايدا كەمەنى وزدەرىندە الىپ قالۋعا شەشىم شىعارعان.

ەستەرىڭىزدە بولسا، ناۋرىز ايىنىڭ سوڭىندا سۋەتس كانالىندا ءىرى جۇك كەمەسى قايراڭعا شوگىپ قالىپ، ەڭ ماڭىزدى سۋ جولىنىڭ ءبىرىن بوگەپ تاستادى. بۇل جاعداي ءتىپتى تاۋارلاردى جەتكىزۋ تىزبەگىندەگى داعدارىستىڭ كۇشەيۋ قاۋپىن تۋدىرعان. 29 ناۋرىزدا كەمە قايراڭنان بوساتىلدى. ءساۋىردىڭ باسىندا سۋەتس كانالىنداعى قوزعالىس قالپىنا كەلدى.

 

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار