ماسەلەن, وتكەن تۇندە ءموبيلدى توپتار «Kalyandeli» مەكەمەسىندە كاليان شەگۋ فاكتىسىن تىركەدى. ەسىل اۋدانىندا ورنالاسقان كالياننىڭ يەلەرىنەن تۇسىندىرمە الىندى. اكىمشىلىك شارالار قابىلداۋ ءۇشىن ولار ەسىل اۋدانىنىڭ سانيتارلىق-ەپيدەميولوگيالىق باقىلاۋ باسقارماسىنا شاقىرىلدى.
ايتا كەتەيىك, ءبىر كۇن بۇرىن ءموبيلدى توپتار كەلۋشىلەرگە كاليان شەگۋ بويىنشا قىزمەت كورسەتەتىن بىرنەشە تاماقتانۋ ورنىن انىقتاعان بولاتىن.
كارانتين رەجيمىن ساقتاماعان سارىارقا اۋدانىندا ورنالاسقان «Jj كينورۋمى» دا جاۋاپقا تارتىلدى.
نۇر-سۇلتان ەپيدەميولوگيالىق احۋالدى باعالاۋ ماتريتساسى بويىنشا قىزىل ايماققا ەنگەنىنە ءبىر ايدان اسا ۋاقىت بولدى. قالاداعى ەپيدەميولوگيالىق جاعداي ءالى دە تۇراقسىز بولىپ وتىر. ەلوردا تۇرعىندارى مەن قوناقتارى, سونداي-اق كاسىپكەرلىك سۋبەكتىلەرى كارانتيندىك شارالار مەن سانيتارلىق نورمالاردى تولىقتاي ساقتاۋى ءتيىس, بۇل قاۋىپتى ۆيرۋستىڭ تارالۋ قاۋپىن ازايتۋعا مۇمكىندىك بەرەدى.
سونداي-اق ەلوردا تۇرعىندارىن كۆي-گە قارسى جاپپاي ۆاكتسيناتسيالاۋ جۇرگىزىلۋدە. بۇل ۇجىمدىق يممۋنيتەتتى ارتتىرىپ, ءومىردىڭ قالىپتى جاعدايىنا ورالۋىنا كومەكتەسەدى.
