«مەملەكەت باسشىسى اتاپ وتكەندەي, كوروناۆيرۋسپەن كۇرەستەگى جالعىز سەنىمدى شەشىم – ۆاكتسيناتسيا. مۇنى لوكداۋنداردان شىعۋ ستراتەگياسىن الدىن الا ويلاستىرعان ەلدەردىڭ مىسالى دالەلدەدى. قازىر ولاردىڭ ەكونوميكالارى مەن ازاماتتاردىڭ كۇندەلىكتى ءومىرى پاندەميالىق قيىندىقتى سەزىنبەيدى. ارالاۋ بارىسىندا جاپپاي ۆاكتسيناتسيالاۋ پروتسەسىمەن تانىسىپ, ۆاكتسيناتسيالانعان ازاماتتارمەن جەكە اڭگىمەلەستىم. مەن بارشاڭىزدى ءوز دەنساۋلىعىڭىزعا بەي-جاي قاراماۋعا جانە ۇلكەندەر مەن جاقىندارىڭىزعا قامقورلىق كورسەتۋگە شاقىرامىن», دەپ جازدى باقتيار ماكەن ءوزىنىڭ Instagram پاراقشاسىندا.
ەستەرىڭىزگە سالا كەتەيىك, ەلوردا تۇرعىندارىن جاپپاي ۆاكتسيناتسيالاۋ 12 ساۋىردە باستالدى. ونىڭ العاشقى كۇنىندە 5 مىڭعا جۋىق ادام كوروناۆيرۋسقا قارسى ەكپە الدى. 640 مىڭنان استام ازاماتتى نەمەسە حالىقتىڭ 60%-ىن جاس شەكتەۋلەرى مەن مەديتسينالىق كورسەتكىشتەرىنە سايكەس قامتۋ جوسپارلانىپ وتىر. ۆاكتسيناتسيا قالانىڭ امسك ۇيىمدارىندا (ۇيىمداردىڭ ءتىزىمى قالانىڭ قوعامدىق دەنساۋلىق ساقتاۋ باسقارماسىنىڭ سايتىندا كورسەتىلگەن) جانە «Mega Silk Way» سوو-دا جۇرگىزىلەدى.
ء«بىز ەكپە العىسى كەلەتىندەر كوپ ەكەنىن بايقاپ وتىرمىز. بۇل ءبىزدى قۋانتادى. شىنى كەرەك, باستاپقىدا بۇل ءىس قالاي وتەتىنى تۋرالى ەكىۇداي ويدا بولدىق. جۇرت كۆي ۆاكتسيناسىنا نارازى بولادى دەپ ويلاعان ەدىك, بىراق ءبارى كەرىسىنشە بولىپ شىقتى. كوپشىلىك جاڭالىقتاردى وقىپ, تەك وڭ پىكىرلەر بايقاعانىن, ال ايتارلىقتاي كۇشتى جاناما اسەرلەرى بولماعانىن ايتىپ جاتىر. كوپتەگەن ادام ۆاكتسينانىڭ دەنساۋلىققا زيانى جوق ەكەنىن, تەك پايداسى مەن ىندەتتىڭ الدىن الۋ ەكەنىن ءتۇسىندى», دەيدى №2 قالالىق ەمحانانىڭ اعا مەدبيكەسى.
ايتا كەتۋ كەرەك, امسك پەن سوو-دا ەكپەنى تەك ەلوردا تۇرعىندارى عانا ەمەس وزگە وڭىرلەردىڭ تۇرعىندارى دا الا الادى. باسقا قالانىڭ تۇرعىنى ەلوردادا ەكپە الىپ, 21 كۇننەن كەيىن ءوز قالاسىندا/وبلىسىندا دا ۆاكتسينا قابىلداي الادى.
ەلىمىزدە 13 ساۋىردەن باستاپ رامازان ايى باستالادى. كوپشىلىك COVID-19 ۆاكتسيناتسياسى ۇستالعان ورازانى بۇزىپ, ادام اعزاسىنا تەرىس اسەر ەتۋى مۇمكىن دەپ الاڭدايدى. ەلوردالىق دارىگەرلەر مەن قازاقستان مۇسىلماندارى ءدىني باسقارماسىنىڭ وكىلدەرى بۇل ماسەلە بويىنشا پىكىر ءبىلدىردى.
«قاسيەتتى ايدا ورازا ۇستاۋعا نيەت بىلدىرگەن كوپتەگەن ادام ينەكتسيا رامازان ايىنىڭ ەرەجەلەرىنە قارسى دەپ الاڭدايدى. الايدا, ورازا كەزىندە ۆاكتسيناتسياعا تىيىم سالىنبايتىنىن اتاپ وتكەن ءجون. ويتكەنى ول ادامعا بۇلشىقەت ارقىلى ەنگىزىلەدى», دەدى №4 قالالىق ەمحانانىڭ جالپى پراكتيكا دارىگەرى اقمارال بەگاەۆا.
ەستەرىڭىزگە سالا كەتەيىك, ەلوردا اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن ۇلعايتىلدى. جۇمىس كەستەسى ساعات 8:00-دەن 00:00-گە دەيىن ۇزارتىلدى. ۆاكتسينانى الدىن الا جازىلۋ ارقىلى egov موبيلدىك قوسىمشاسى جانە ەمحانانىڭ call-ورتالىقتارىنا قوڭىراۋ شالۋ ارقىلى الۋعا بولادى.
