كوروناۆيرۋس • 14 ءساۋىر، 2021

كوروناۆيرۋستى جاپپاي ۆاكتسيناسىز جەڭۋ مۇمكىن ەمەس – الماتىلىقتار

19 رەت كورسەتىلدى

ەلىمىزدىڭ ءىرى مەگاپوليسىندە تۇرعىنداردى جاپپاي ۆاكتسينالاۋ ءجۇرىپ جاتىر. ەكپە سالىناتىن 200-دەن استام پۋنكت كەلۋشىلەردى كەزەگىمەن قابىلداپ وتىر. ۆاكتسينالاۋ پۋنكتتەرىنىڭ ءبىر بولىگى وسو مەن بازارلاردىڭ بازاسىندا اشىلعان. ەكپە سالدىرعان الماتى تۇرعىندارى بۇل قادامعا نە ءۇشىن بارعاندارىن، پروتسەدۋرانىڭ قالاي وتكەنىن جانە قازىر وزدەرىن قالاي سەزىنەتىندەرىن ايتۋدا، دەپ حابارلايدى Egemen.kz.

كوروناۆيرۋسقا قارسى ۆاكتسينا الۋعا ەلەكتروندى جازىلۋ 8 ساۋىردە باستالدى. ەكپە سالدىرۋ ءۇشىن قالالىق ەمحانالار بازاسىنداعى پۋنكتتەردىڭ بىرىنە اپتانىڭ كەز كەلگەن كۇنى ساعات 8.00 مەن 20.00 ارالىعىندا جازىلۋعا بولادى. كوروناۆيرۋستان ۆاكتسينالاۋ ەكى كەزەڭدە وتەدى. الدىمەن ءبىرىنشى ينەكتسيانى سالدىرۋ قاجەت، 21 كۇننەن كەيىن ەكىنشىسىن الۋعا بولادى. ەكپە الۋعا جازىلعانداردىڭ بارىنە سمس جىبەرىلەدى، وندا قاي كۇنى جانە قاي ۋاقىتتا ەكپە الاتىنى كورسەتىلەدى. ۆاكتسينانى 18 جانە ودان جوعارى جاستاعى ادامدار الا الادى.

ەگۋ پۋنكتتەرىندە بىلىكتى مەديتسينا قىزمەتكەرلەرى كەزەكشىلىك اتقارادى. سونىمەن بىرگە مەديتسينالىق جوعارى وقۋ ورىندارى مەن كوللەدجدەردىڭ وقىتۋشىلارىنان قۇرالعان ەرىكتىلەر دە قىزمەت ەتەدى.

ۆاكتسينا الۋعا كەلگەن الماتىلىقتار ءوز تاجىريبەلەرىمەن بولىسۋدە جانە ەكپەنىڭ قانشالىقتى پايدالى ەكەنىن ايتۋدا.

ەكپە العاندار اراسىندا دەنساۋلىق ساقتاۋ مينيسترلىگىنىڭ ارداگەرى، ءومىرىنىڭ 55 جىلىن مەديتسيناعا ارناعان زينايدا سەۆريۋكوۆا دا بار.

«مەن كوروناۆيرۋستان ەكپە الۋعا سانالى تۇردە كەلدىم. بۇل ينفەكتسيا وتە قاۋىپتى، سوندىقتان ءاربىر ادام ءوزىنىڭ جانە جاقىندارىنىڭ ءومىرى ءۇشىن ۆاكتسينا الۋى كەرەك. سوندا عانا ءبىز ۇجىمدىق يممۋنيتەت قالىپتاستىرامىز، ال بۇل ينفەكتسيانىڭ الدىن الادى، تارالۋىنا جول بەرمەيدى، ەڭ قالىپتى ومىرىمىزگە ورالۋعا ىقپال ەتەدى»، دەدى مەديتسينا ارداگەرى ز. سەۆريۋكوۆا.

الماتى تۇرعىنى الشىنباي نۇسىپباەۆ تا وسىنداي پىكىردە.

«مەن ەكپەنى جۇبايىممەن بىرگە الدىم. سەبەبى جاقىندارىمىزدىڭ، بالالارىمىزدىڭ دەنساۋلىعى ءۇشىن الاڭدايمىز. ينفەكتسيانى جۇقتىرماۋدىڭ بىردەن ءبىر جولى – ەكپە الۋ»، دەدى قالا تۇرعىنى.

قالا تۇرعىنى اندرەي بوگدانوۆ دا ۆيرۋستى تەك ۆاكتسينالاۋ ارقىلى جەڭۋگە بولاتىنىن جانە ءوزىنىڭ ەكپە العانىن ايتتى.

«ۆيرۋستى جۇقتىرىپ، قاتتى اۋىرعان تانىستارىم دا، تۋىستارىم دا كوپ. مەن ەكپە سالدىرۋعا ارنايى كەلدىم، يممۋنيتەتتى ارتتىراتىن دا، كوروناۆيرۋستى جەڭەتىن دە ۆاكتسينالانۋ»، دەپ ەسەپتەيدى ا. بوگدانوۆ.

ۆاكتسينالانعان الماتىلىقتار الەۋمەتتىك جەلىلەردە ءجيى پىكىرلەر قالدىرۋدا. مىسالى، ينستاگرام جەلىسىن قولدانۋشى @asel.abd پوستىندا ۆاكتسينالاۋدىڭ ءبىرىنشى كەزەڭىنەن وتكەنىن جانە ءوزىن جاقسى سەزىنەتىنىن جازعان.

«بۇل مەنىڭ تاڭداۋىم جانە مەن تەك ءوزىمدى عانا ەمەس، اينالامداعى، اسىرەسە، تۋعان-تۋىستارىم مەن جاقىندارىمنىڭ دەنساۋلىعىنا قاۋىپ توندىرمەيتىنىمە سەنىمدىمىن»، دەپ جازىپتى جەلىدە @asel.abd.

ۆورونيندەر وتباسى ءۇشىن ۆاكتسينالاۋدىڭ ماڭىزدى ەكەنىن كسەنيا ۆورونينا فەيسبۋكتە جاريالادى. ول «مەنىڭ اجەمنىڭ جاسى 74-تە. بۇگىن ول ءوز ەركىمەن الماتىداعى ەمحانادا ەكپە الدى» دەپ جازدى.

دارىگەرلەر ۆاكتسينالانعان قالا تۇرعىندارىنا ەكپە العاننان كەيىن ءۇش كۇن بويى ءوزىڭدى قالاي ۇستاۋ كەرەكتىگى ايتىلعان جادىنامالار بەرەدى.

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار