ۆاكتسيناتسيا قالانىڭ امسك ۇيىمدارىندا الدىن الا جازىلۋ بويىنشا جۇرگىزىلەدى (ۇيىمداردىڭ ءتىزىمى قالانىڭ قدس سايتىندا كورسەتىلگەن https://uoz.astana.kz/ru/vakcinaciya_dlya_gorozhan/) جانە «Mega Silk Way» سوو-دا جاسالادى. دەمالىس كۇندەرى قالانىڭ ءىرى ساۋدا ورتالىعىندا سىناق رەجيمىندە دوزانىڭ ءبىرىنشى كومپونەنتىن ونىڭ قىزمەتكەرلەرى, ياعني بۋتيكتى جالعا الۋشىلار, ساتۋشىلار جانە ورتالىقتىڭ قىزمەتكەرلەرى الدى. ونىڭ بارىسىندا 200-دەن استام ادام قامتىلدى.
«تاڭەرتەڭنەن باستاپ قالا تۇرعىندارى ۆاكتسيناتسياعا دايىن بولدى. الدىن الا جازىلىپ, شاقىرۋدى كۇتىڭىز. ءبىز جۇرتتىڭ ءوز دەنساۋلىعىنا جانە وزگەلەرگە جاۋاپكەرشىلىكپەن قارايتىنىنا قۋانامىز. پروفيلاكتيكاعا اسا ءمان بەرىلۋ كەرەك», دەپ اتاپ ءوتتى ءتيىس باسقارما.
سونداي-اق باسقارمادا امسك جانە سوو-دا ەكپەنى تەك ەلوردا تۇرعىندارى عانا ەمەس, وڭىرلەردىڭ تۇرعىندارى دا الا الاتىنىن اتاپ ءوتتى. باسقا قالانىڭ تۇرعىنى ەلوردادا ەكپە الىپ, 21 كۇننەن كەيىن ءوز قالاسىندا/وبلىسىندا ەكىنشى دوزاسىن قابىلداي الادى.
«باسقارما قويمالارىندا ۆاكتسينا قورى جەتكىلىكتى. جاڭا پارتيا سك فارماتسيا (دەنساۋلىق ساقتاۋ مينيسترلىگى) تارتىبىنە سايكەس اپتا سايىن كەلىپ تۇسەدى», دەپ حابارلادى ۆەدومستۆو.
ەستەرىڭىزگە سالا كەتەيىك, ەلوردا اكىمى التاي كولگىنوۆتىڭ تاپسىرماسى بويىنشا ەگۋ پۋنكتەرىنىڭ سانى 36-دان 100-گە دەيىن ۇلعايتىلدى. جۇمىس كەستەسى ساعات 08:00-دەن 00:00-گە دەيىن ۇزارتىلدى. ۆاكتسينانى الدىن الا جازىلۋ بويىنشا egov موبيلدىك قوسىمشاسى نەمەسە ەمحانالاردىڭ call-ورتالىقتارىنا قوڭىراۋ شالۋ ارقىلى الۋعا بولادى.
بۇگىنگى تاڭدا كوروناۆيرۋس ينفەكتسياسىنا قارسى 30 مىڭعا جۋىق ادام ەكپە قابىلدادى.
