وڭىردە قاتەرلى ىندەتكە قارسى ەكپە سالدىرۋ اقپان ايىنىڭ العاشقى كۇنىنەن باستالدى. ولاردىڭ قاتارىندا مەديتسينا قىزمەتكەرلەرى, مۇعالىمدەر, ۋچاسكەلىك پوليتسەيلەر, ستۋدەتتەر, مەديتسينالىق-الەۋمەتتىك جانە جابىق بالالار مەكەمەلەرىنىڭ پەرسونالى مەن كونتينگەنتى, توتەنشە جاعدايلار, قورعانىس مينيسترلىگى, ۇلتتىق قاۋىپسىزدىك كوميتەتى, پوليتسيا, مەملەكەتتىك كۇزەت قىزمەتىنىڭ ماماندارى بار. سونداي-اق, وعان پوليتسيا باسقارماسىنىڭ كونتينگەنتى, مەملەكەتتىك قىزمەتشىلەر. قر اككرەديتتەلگەن ديپلوماتيالىق, كونسۋلدىق مەكەمەلەردىڭ قىزمەتكەرلەرى سانالاتىن ازاماتتار, ۇلتتىق قۇراما كوماندالاردىڭ مۇشەلەرى ەنگىزىلگەن. اتالعان تىزىمگە قانت ديابەتى, وكپەنىڭ سوزىلمالى وبستركۋتيۆتى اۋرۋى, جۇرەك-تامىر جۇيەسى سەكىلدى سوزىلمالى دەرتتەرى بار ادامدار قوسىلادى.
«ايتا كەتەرلىگى, ولاردىڭ ىشىندە مەديتسينا قىزمەتكەرلەرى 4330 (40,6%), مۇعالىمدەر 2619 (24,5%), ۋچاسكەلىك پوليتسەيلەر 855 (8,0%) ادامدى قۇرايدى. ۆاكتسينانىڭ العاشقى پارتياسى وبلىسقا 1 اقپاندا جەتكىزىلسە, ودان كەيىن 2 ناۋرىزدا تولىقتىرىلدى. بيىلعى جىلدىڭ 1 ساۋىرىندە ءۇشىنشى, 9 ساۋىرىندە ءتورتىنشى پارتياسى جەتكىزىلدى. قازىر جەرگىلىكتى جەردە 16100 دوزا بار. قازىرگە دەيىن 10659 دوزا ۆاكتسينا سالىندى», دەدى وبلىستىق دەنساۋلىق ساقتاۋ باسقارماسىنان.
