تۋريزم • 11 ءساۋىر، 2021

ورتالىق ازياداعى ەڭ ءىرى «كەرۋەن-ساراي» تۋريستىك كەشەنى اشىلدى

51 رەت كورسەتىلدى

10 ساۋىردە تۇركىستان قالاسىندا ورتالىق ازياداعى ەڭ ءىرى «كەرۋەن-ساراي» كوپفۋنكتسيونالدى تۋريستىك كەشەنىنىڭ اشىلۋ ءراسىمى ءوتتى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

ينۆەستيتسيالىق جوبانى «Turkistan Tourism City» كومپانياسى ىسكە اسىردى، كەشەن قۇرىلىسى 2019 جىلى جەلتوقسان ايىندا باستالدى. نىسان قوجا احمەت ياساۋي كەسەنەسىنە قاراما-قارسى «ازىرەت سۇلتان» مادەني قورىعىنىڭ بۋفەرلىك ايماعىندا 20،5 گا اۋماقتا ورنالاسقان.

1

مۇندا 4 مىڭنان استام تۇراقتى جۇمىس ورنى قۇرىلدى. كەشەنگە جىبەك جولى داۋىرىندەگى ساۋداگەرلەر مەن قولونەرشىلەر كوشەسى، «ۇشاتىن تەاتر»، ات شوۋىن وتكىزۋگە ارنالعان امفيتەاتر، شىعىس بازارى، ساۋدا سورەلەرى مەن بۋتيكتەر، قوناق ۇيلەر مەن مەيرامحانالار، سپا جانە فيتنەس-ورتالىق، كينوتەاتر، وتباسىلىق ويىن-ساۋىق ورتالىعى كىرەدى. بۇل رەتتە، بارلىق قۇرىلىمدار سۋ ارناسى ارقىلى بايلانىستىرىلعان، وندا سۋداعى «قايىق شەرۋى» تەاترلاندىرىلعان شوۋ وتكىزىلەدى. 

1

«كەرۋەن-ساراي» كەشەنىنىڭ ورتالىق ازيادا بالاماسى جوق جانە ول قوجا احمەت ياسساۋي كەسەنەسىنەن كەيىن وڭىرگە تۋريستەر مەن ينۆەستيتسيالاردى تارتاتىن باستى ورتالىققا اينالۋى ءتيىس.
«كەرۋەن-ساراي» كەشەنىنىڭ اشىلۋ سالتاناتىنا پرەمەر-مينيستر اسقار مامين، تۇركىستان وبلىسىنىڭ اكىمى ومىرزاق شوكەەۆ، مادەنيەت جانە سپورت ءمينيسترى اقتوتى رايىمقۇلوۆا، سونداي-اق ينۆەستور كومپانيانىڭ وكىلى قۋانىشبەك قۇدايبەرگەن قاتىستى.

بۇدان بولەك، ا. مامين تۇركىستانداعى قازاق مۋزىكالىق دراما تەاترىنا باردى. عيماراتتىڭ جالپى اۋدانى 11 مىڭ شارشى مەتردەن اسادى. بۇل اسا جاڭا جابدىقتارمەن جانە تەاتر جۇمىسىنا قاجەتتى بارلىق بولمەلەرمەن جابدىقتالعان زاماناۋي كەشەن. كورەرمەندەر زالىنىڭ سىيىمدىلىعى 510 ادامدى قۇرايدى.

سونداي-اق ۇكىمەت باسشىسى وبلىستىق عىلىمي-امبەباپ كىتاپحانامەن تانىستى. بۇل اقپارات پەن شىعارماشىلىققا ارنالعان بىرەگەي حاب. عيماراتتىڭ ءۇش قاباتى وقۋ زالدارى، كوۆوركينگ-ورتالىقتارى، فوتو-، بەينە- جانە اۋديوجازبا، كالليگرافيا، قىش ونەرى ستۋديالارى، شەبەرحانالار، ونىڭ ىشىندە 3D-مودەلدەردى جاساۋعا ارنالعان شەبەرحانالار، سونداي-اق كينوكونتسەرت زالى، كوفەحانالار، كىتاپ كادەسىيلارى مەن قولدان جاسالعان بۇيىمدار دۇكەندەرى قامتىلعان زونالارعا بولىنگەن.

1

كىتاپحانانىڭ عىلىمي-زەرتتەۋ ورتالىعىندا كىتاپ ساقتاۋ قويماسى، سيرەك كەزدەسەتىن كىتاپتار مەن كونە زامانعى قولجازبالاردى ساقتاۋعا ارنالعان ءبولىم، قۇجاتتاردى، كىتاپتاردى تسيفرلاندىرۋ جانە كونسەرۆاتسيالاۋ تسەحتارى، ونىڭ ىشىندە ورتالىق ازياداعى توتىعۋعا قارسى جابدىقپەن جابدىقتالعان بىردەن-ءبىر تسەح بار. جۇمىس ساپارى اياسىندا پرەمەر-مينيستر سونداي-اق تۇركىستان قالاسىندا باسقا دا ينۆەستيتسيالىق جوبالاردىڭ ىسكە اسىرىلۋ بارىسىن تەكسەردى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار