ايماقتار • 09 ءساۋىر، 2021

قوستاناي وبلىسىندا جاپپاي ۆاكتسينا ەگۋ باستالادى

12 رەت كورسەتىلدى

قوستاناي وبلىسىنىڭ تۇرعىندارىنا ءساۋىر ايىنىڭ ەكىنشى جارتىسىنان باستاپ جاپپاي ۆاكتسينا ەگۋ باستالادى. وسىعان وراي، ءساۋىردىڭ ونىنا قاراي وبلىس ورتالىعىنا قاراعاندى فارماكولوگيالىق زاۋىتىندا قۇيىلعان رەسەيلىك «سپۋتنيك V» جانە وتاندىق «QazVac» ۆاكتسيناسىنىڭ 45 400 قۇتىسى جەتكىزىلمەك، دەپ حابارلايدى Egemen.kz.

ءوڭىردىڭ باس سانيتارلىق دارىگەرى ەرمۇحانبەت داۋلەتباەۆتىڭ ايتۋىنشا، قوستاناي وبلىسىنىڭ تۇرعىندارى سوڭعى كەزدك ۆاكتسينا قابىلداۋعا بەلسەندى قاتىسا باستاعان.

«قازىر كۇنىنە 800-دەن 1200 ادامعا دەيىن ەكپە جاسالادى. وسى ايدىڭ باسىندا ءبىز ۆاكتسينانىڭ 20 مىڭ دوزاسىن العان ەدىك. ەندى كەلەسى لەك كەشىكپەي جەتسە، حالىقتى جاپپاي يممۋنداۋ باستالادى. تۇرعىندارعا قولايلى بولۋ ءۇشىن، بىرقاتار قوعامدىق ورىنداردا، ماسەلەن، «Kostanay رlaza» ساۋدا-ساۋىق ورتالىعىندا ەكپە جاسايتىن كابينەت اشىلاتىن بولادى، – دەدى ەرمۇحانبەت داۋلەتباەۆ.

ايماقتا بۇگىنگە دەيىن دارىگەرلەر، پوليتسيا، اۋەجاي جانە تەمىر جول قىزمەتكەرلەرى باستاعان 10 مىڭعا جۋىق ادام ەكپە قابىلدادى. الايدا دەنساۋلىعىنا بايلانىستى 79 ادام ەكپە الۋدان باس تارتقان.

- ەكىنشى كومپونەنتتى العان كەز كەلگەن ادام ۆاكتسيناتسيا پاسپورتىن الۋ ءۇشىن egov.kz پورتالىنا ءوتىنىش بەرە الادى. قازىر قوستاناي وبلىسىندا 31 مەديتسينالىق مەكەمەدە  62 ەگۋ كابينەتى جۇمىس ىستەپ تۇر. ولاردىڭ سانى قاجەت بولعان جاعدايدا 150-گە دەيىن ۇلعايتىلۋى مۇمكىن. تۇرعىندار كەز كەلگەن ەمحانادا ەكپە قابىلداي الادى. الايدا كەيبىر مەكەمەلەردە ۆاكتسينا كولەمى شەكتەۋلى، - دەيدى وبلىستىق دەنساۋلىق ساقتاۋ باسقارماسىنىڭ مىندەتىن اتقارۋشى  رۇستەم ايتباەۆ.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار