ەكولوگيا • 09 ءساۋىر، 2021

تۇركىستان وبلىسىندا ۆەگەتاتسيالىق ماۋسىم قالاي وتەدى

9 رەت كورسەتىلدى

الداعى ۆەگەتاتسيالىق ماۋسىمعا دايىندىقتى باعالاۋ جانە ماگيسترالدىق ارنالاردى تسيفرلاندىرۋ جونىندەگى جۇمىستارمەن تانىسۋ ءۇشىن تۇركىستان وبلىسىنا ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ كەلدى. ۆەدومستۆو باسشىسى جەرگىلىكتى تۇرعىندارمەن، فەرمەرلەرمەن، سۋ ماماندارىمەن كەزدەستى. مينيستر سۋارمالى سۋدى ۇتىمدى پايدالانۋ ماسەلەسىنە ەرەكشە نازار اۋداردى، دەپ حابارلايدى Egemen.kz.

تۇركىستان وبلىسى سۋدى ەسەپكە الۋ جانە باقىلاۋ جۇيەسىن ورناتۋمەن ك-9 ماگيسترالدى كانالىن تسيفرلاندىرۋ بويىنشا پيلوتتىق جوبا ىسكە اسىرىلعان العاشقى وڭىر. بۇرىن سۋدى ەسەپكە الۋ ادەتتەگىدەي جۇرگىزىلگەن، سوندىقتان سۋدى ءتيىمسىز پايدالانۋ جاعدايلارى بولعان. ايتپاقشى، اۆتوماتتاندىرۋدىڭ ارقاسىندا سۋارۋ رەجيمىنىڭ 45% - نا دەيىن سۋارمالى سۋدىڭ ارتىق شىعىنى انىقتالدى. مۇنداي جۇمىستى وسى ماڭىزدى رەسۋرستىڭ جوعالۋىن بولدىرماۋ ءۇشىن ايماقتاعى باسقا ارنالاردا جۇرگىزۋ جوسپارلانۋدا. جالپى، 5 جىل ىشىندە رەسپۋبليكا بويىنشا 119 ارنانى تسيفرلاندىرۋ قاجەت.

ەكولوگيا مينيسترلىگىنىڭ باسشىسى بارلىق سۋ شارۋاشىلىعى نىساندارىن ارالادى، ولاردىڭ ىشىندە كوكساراي كونتررەتتەگىشى، ۇلكەن كەلەس ماگيسترالدى كانالى، «زاح»، «حانىم» ترانسشەكارالىق ماگيسترالدى كانالدارى بار.

«ۆەگەتاتسيالىق ماۋسىم جاقىنداپ كەلەدى. فەرمەرلەردى سۋمەن قامتاماسىز ەتۋ – ءبىزدىڭ نەگىزگى جانە ستراتەگيالىق مىندەتىمىز. ماۋسىمنىڭ ءساتتى ءوتۋى وسىعان بايلانىستى. وبلىستا اۋدانى 300 مىڭ گەكتاردان اساتىن سۋارمالى جەرلەر بار، جۇمىستار تاۋلىك بويى جۇرگىزىلۋى ءتيىس، سۋ ۇنەمدەۋ تەحنولوگيالارىن پايدالانۋ ماڭىزدى. سونداي-اق، اۋىل شارۋاشىلىعى تاۋارلارىن وندىرۋشىلەردىڭ وزدەرى دە سۋدى ۇقىپتى جانە ءتيىمدى پايدالانۋى قاجەت»، - دەپ اتاپ ءوتتى مينيستر اۋىل تۇرعىندارىمەن كەزدەسۋدە.

سونداي-اق، وڭىردە توزىعى جەتكەن سۋ شارۋاشىلىعى ينفراقۇرىلىمىن قايتا قۇرۋ بويىنشا اۋقىمدى جوبا ىسكە اسىرىلۋدا. كوپتەگەن نىساندار وتكەن عاسىردىڭ باسىندا پايدالانۋعا بەرىلگەن، سوندىقتان ولار جوندەۋ مەن قالپىنا كەلتىرۋدى قاجەت ەتەدى. جوبا ايماقتاعى 62،3 مىڭ گا سۋارمالى جەردى قامتىپ، سۋارمالى سۋدىڭ جىل سايىنعى شىعىنىن جىلىنا 199 ملن.م3 دەيىن ازايتۋعا، ەگىستىكتەردى سۋمەن قامتاماسىز ەتۋدى 100 %-عا دەيىن ارتتىرۋعا جانە اۋىل تۇرعىندارى ءۇشىن 12،4 مىڭ جاڭا جۇمىس ورنىن قۇرۋعا مۇمكىندىك بەرەدى.

ماعزۇم مىرزاعاليەۆ وسى جۇمىس ساپارىندا شاردارا، جەتىساي، ماقتاارال، سارىاعاش، كەلەس اۋداندارىنداعى كانالداردى ارالاپ، شاردارا سۋ قويماسىنان ماشينا سۋ بەرۋ ستانتسياسىنداعى ۆەگەتاتسياعا دايىندىقتى زەرتتەدى.

 «قازاقستان جىل سايىن كورشىلەس ەلدەرمەن ترانسشەكارالىق سۋ رەسۋرستارىن پايدالانۋ جونىندە كەلىسسوزدەر جۇرگىزىپ جاتقانى بەلگىلى. الدىن الا قابىلدانعان شارالار وتە ماڭىزدى. الايدا، سۋمەن قامتاماسىز ەتۋدە سۋ شارۋاشىلىعى وبەكتىلەرىنىڭ جاي-كۇيى دە ماڭىزدى ورىن الادى.         سوندىقتان ولاردىڭ تيىمدىلىگىن قامتاماسىز ەتۋ ءۇشىن جۇمىستى كۇشەيتۋ ماڭىزدى»، - دەپ اتاپ ءوتتى مينيستر.

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

ۇقساس جاڭالىقتار