وسى ماقساتتا نۇر-سۇلتان قالاسىندا ەكى مىڭنان استام ادامنان ساۋالناما الىندى. رەسپوندەنتتەر قاۋىپسىزدىك پەن قۇقىقتىق ءتارتىپتى قورعاۋ سالاسىنداعى قانداي پروبلەمالاردىڭ كوپ مازالايتىنىن اتاپ ءوتتى.
انىقتالعانداي, ەلوردا تۇرعىندارىن الاڭداتاتىن ماسەلەلەر تومەندەگىدەي:
- كەي جەرلەردە كوشە جارىعىنىڭ بولماۋى;
- جول قاۋىپسىزدىگى, اسىرەسە مەكتەپتەر مەن بالاباقشالارعا جاقىن جەرلەردەگى قاۋىپسىزدىك;
- ۇيلەردىڭ كىرەبەرىسىندەگى الكوگول مەن ەسىرتكى;
- بالالار الاڭدارىنىڭ قاۋىپسىزدىگى;
- كوشەدەگى يتتەر جانە جانۋارلاردى قورعاۋ;
- تىنىشتىقتى بۇزۋ;
- كوپ قاباتتى ۇيلەردە ورنالاسقان جەكە بيزنەس نىساندارىنداعى ورتكە قارسى قاۋىپسىزدىك.
جۇرگىزىلگەن الەۋمەتتىك ساۋالناما ەلوردا تۇرعىندارىن تولعاندىراتىن ماسەلەلەردى انىقتاپ قانا قويماي, حالىق پەن پوليتسيا اراسىنداعى بايلانىس ءاربىر ەلدى مەكەندەگى قاۋىپسىزدىك دەڭگەيىن ارتتىرۋ ءۇشىن ماڭىزدى ەكەنىن كورسەتتى.
– ءتيىمدى سەرىكتەستىك قۇرۋ – بۇل قازاقستاندىق پوليتسيانىڭ سەرۆيستىك مودەلدىڭ باستى نەگىزى. الەۋمەتتىك ساۋالنامالار قوعامنىڭ قاۋىپسىزدىك قاجەتتىلىكتەرىنىڭ قۇرىلىمىن زەرتتەۋگە مۇمكىندىك بەرەدى. جەرگىلىكتى پوليتسيا قىزمەتتەرى ناقتى الدىن الۋ شارالارىن ازىرلەۋى ءۇشىن وسىنداي زەرتتەۋلەر ءار وڭىردە جۇرگىزىلەتىن بولادى, – دەپ اتاپ ءوتتى مينيستر.
الەۋمەتتىك زەرتتەۋلەردى دايىنداۋعا جانە وڭدەۋگە «قۇقىقتىق ساياساتتى زەرتتەۋ ورتالىعى» قوعامدىق ۇيىمى قاتىستى. قازگزۋ ۋنيۆەرسيتەتى, TheGuests جوبالاۋ-كونسالتينگتىك كومپانياسى جانە قازاقستان ءباسپاسوز كلۋبى ساراپتامالىق-تالداۋ جانە كونسۋلتاتيۆتىك كومەك كورسەتتى.
– ءىىم سەرىكتەستەر شەڭبەرىن كەڭەيتۋدى جالعاستىرۋدا جانە باسقا دا ساراپتامالىق ۇيىمداردى, بارلىق ازاماتتاردى قوعامدىق قاۋىپسىزدىك سالاسىنداعى پروبلەمالاردى بىرلەسىپ شەشۋ ءۇشىن ءوز يدەيالارىمەن بولىسۋگە شاقىرادى, – دەپ اتاپ ءوتتى ىشكى ىستەر ءمينيسترى.
زەرتتەۋ قورىتىندىسى بويىنشا ءىىم اكىمشىلىك پوليتسيا كوميتەتى جەرگىلىكتى پوليتسيا قىزمەتى جۇمىسىنىڭ تيىمدىلىگىن ارتتىرۋ ماقساتىندا پراكتيكالىق ۇسىنىمدار, ۋچاسكەلىك جانە پاترۋلدىك پوليتسەيلەردىڭ باسقارۋ جۇيەسىندە جانە جۇمىسىندا جاڭا تاسىلدەر مەن ادىستەر ازىرلەيتىن بولادى.
