«تەستتىڭ اشىقتىعىن قامتاماسىز ەتۋ ماقساتىندا بىزدە «اۋحالدى ورتالىق» جاساقتالعان. اتاپ ايتقاندا, تەستىلەۋ ء«بىر تەست تاپسىرۋشى – ءبىر كومپيۋتەر – ءبىر كامەرا» قاعيداتى بويىنشا ۇيىمداستىرىلماق. سوندىقتان ءار تەست تاپسىرۋشىعا قاتىستى بەينەجازبالار ساقتالادى. ءبىز ونى ءوزىمىز قارايمىز جانە ارنايى كومپيۋتەرلىك باعدارلاما اۆتوماتتى تۇردە جۇمىس ىستەپ, كەز كەلگەن ەرەجە بۇزۋ فاكتىلەرىن انىقتاي الامىز», دەدى د.سماعۇلوۆ ورتالىق كوممۋنيكاتسيالار قىزمەتىندە.
ونىڭ ايتۋىنشا, بۇل تۇرعىدا تىيىم سالىنعان زاتتارعا, ياعني تالاپكەردىڭ سمارتفون نەمەسە شپارگالكا سەكىلدى زاتتاردى الىپ كىرۋىنە توسقاۋىل قويىلماق.
«بارلىق بەينەجازبالار بيىلدىڭ 25 تامىزىنا دەيىن قايتادان قارالادى. ەگەر قوسىمشا تىيىم سالىنعان زات انىقتالسا نەمەسە باسقا دا ەرەجەنى بۇزۋ فاكتىلەرى بايقالسا, تەست تاپسىرۋشىنىڭ ۇبت بويىنشا ناتيجەسىن جويۋعا قۇقىعىمىز بار. سوندىقتان جۇمىس وتكەن جىلداعىداي بيىلدا دا اتقارىلادى», دەدى ۇلتتىق تەستىلەۋ ورتالىعىنىڭ ديرەكتورى.
تاراتىلعان مالىمەتكە قاراعاندا, مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن ۇبت 15 ساۋىردە باستالىپ, 30 ماۋسىمعا دەيىن جالعاسادى. تەستىلەۋ العاش رەت ەلەكتروندىق فورماتتا وتەدى. ءبىلىم مينيسترلىگىنىڭ مالىمەتىنشە, اۋديتوريادا نە بولىپ جاتقانىن كورسەتەتىن كامەرالاردان باسقا, تەست تاپسىرۋشى وتىراتىن ءار ۇستەلدىڭ ۇستىندە تاعى ءبىر كامەرا ورناتىلادى. پروكتورينگ پەن بەينەباقىلاۋدىڭ زاماناۋي جۇيەسى جانە ۇبت-دا بوگدە ادامداردى بولدىرماۋ ءۇشىن Face ID تسيفرلىق سايكەستەندىرۋ قۇرىلعىسى پايدالانىلادى.
ەرەجەلەردىڭ ساقتالۋىن ارنايى كومپيۋتەرلىك باعدارلاما باقىلايدى. ول تىيىم سالىنعان زاتتاردى قولدانۋ فاكتىلەرىن اۆتوماتتى تۇردە انىقتايدى. ەگەر ۇبت تاپسىرۋ كەزىندە تالاپكەردىڭ سمارتفون, شپارگالكا جانە ت.ب. تىيىم سالىنعان زاتتاردى پايدالانعانى انىقتالسا, تەستىلەۋ اۆتوماتتى تۇردە توقتاتىلادى, تەست تاپسىرۋشىنىڭ ناتيجەلەرى جويىلادى.
