2021 جىلدىڭ باسىنان باستاپ اۋداندىق سانيتاريالىق-ەپيدەميولوگيالىق باقىلاۋ باسقارمالارى شەكتەۋ جانە كارانتين شارالارىن بۇزعانى ءۇشىن جالپى سوماسى 87 207 029 تەڭگەگە 383 جەكە, زاڭدى تۇلعالاردى اكىمشىلىك جاۋاپكەرشىلىككە تارتتى.
اكىمشىلىك جاۋاپكەرشىلىككە بىرنەشە رەت تارتىلعانىنا قاراماستان ءتيىستى تالاپتاردى ەلەمەگەن جانە ورىنداماعان 47 كاسىپكەرلىك سۋبەكتىسىنە قاتىستى نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتىنا 52 ماتەريال جىبەرىلدى.
سوت بارلىعى 28 نىساننىڭ قىزمەتىن توقتاتتى جانە 5 954 770 تەڭگە سوماسىنا اكىمشىلىك ايىپپۇل سالدى.
وتكەن تاۋلىكتە ءموبيلدى توپتار قالادا كارانتيندى بۇزعان 3 كاسىپكەرلىك سۋبەكتىسىن انىقتادى.
سونىمەن ەسىل اۋدانىندا ورنالاسقان «پاناەحالي» بارى دەمالىس كۇندەرى جۇمىس ىستەۋىنە تىيىم سالىنعانىنا قاراماستان كەلۋشىلەردى قابىلداعانى انىقتالدى. ال قىزمەتكەرلەر تەكسەرۋشىلەرگە مەكەمەنىڭ ەسىگىن اشپاعانىن ايتا كەتكەن ءجون.
كارانتين رەجيمىن الماتى اۋدانىنداعى «Fantasy» كومپيۋتەرلىك كلۋبى مەن سارىارقا اۋدانىنداعى «بەنيتسكي» بارى دا بۇزدى.
ەسكە سالا كەتەيىك, ەلوردا 10 ناۋرىزدان باستاپ ەپيدەميولوگيالىق احۋالدى باعالاۋ ماتريتساسى بويىنشا «قىزىل» ايماقتا ورنالاسقان. دارىگەرلەر قالاداعى كوروناۆيرۋس بويىنشا ەپيدەميولوگيالىق جاعداي تۇراقسىز بولىپ وتىرعانىن اتاپ ءوتتى. وسىعان بايلانىستى قالا تۇرعىندارى مەن قوناقتارىنا, سونداي-اق كاسىپكەرلىك سۋبەكتىلەرىنە كارانتين رەجيمىن قاتاڭ ساقتاۋ تالاپ ەتىلەدى. سول سياقتى ادام كوپ جينالاتىن ورىنداردان اۋلاق اۋلاق بولىپ, ماسكا رەجيمىن جانە الەۋمەتتىك قاشىقتىقتى ساقتاڭىز.
