قوعام • 04 ءساۋىر، 2021

ەلىمىزدىڭ بەس وڭىرىندە سۋ تاسقىنىنىڭ الدىن الۋ ءۇشىن قارقىندى جۇمىستار جۇرگىزىلۋدە

27 رەت كورسەتىلدى

ەل اۋماعىندا سۋ تاسقىنى جاعدايى تۇراقتى. وتكەن تاۋلىكتە ۇيلەردى سۋ باسۋ جانە جولداردى سۋ شايۋ فاكتىلەرى تىركەلگەن جوق. بۇل تۋرالى قر تجم رەسمي وكىلى تالعات ءۋالي حابارلادى.

رەسپۋبليكالىق جەدەل شتاب، سونىمەن قاتار اقمولا، اقتوبە، باتىس قازاقستان، شىعىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنىڭ تجد-دا شتابتار جۇمىسىن جالعاستىرۋدا.

كوكتەمگى سۋ تاسقىنىنان تۋىنداعان تج-نىڭ قاۋىپ-قاتەرىن ازايتۋ ماقساتىندا اقمولا، باتىس قازاقستان، شىعىس قازاقستان، قاراعاندى، پاۆلودار وبلىستارىندا جەرگىلىكتى اتقارۋشى ورگانداردىڭ جانە تجم بولىمشەلەرىنىڭ كۇشتەرى پروفيلاكتيكالىق جۇمىستار جۇرگىزۋدە.

اقمولا وبلىسىنىڭ شورتاندى اۋدانىنداعى تالقارا جانە كولۋتون وزەندەرىندە مۇز جامىلعىسىن السىرەتۋ بويىنشا جالپى اۋدانى 600 شارشى مەتر مۇز جارۋ جۇمىستارى جۇرگىزىلدى. ول ءۇشىن 135 كگ جارىلعىش زات پايدالانىلدى. تسەلينوگراد، جارقايىڭ، شورتاندى جانە ەسىل اۋداندارىندا كوشەلەر مەن اۋلا اۋماقتارىنان 516،5 تەكشە مەتر ەرىگەن قار سۋى سورىلدى. كوكشەتاۋ ق.، اتباسار جانە بۇلاندى اۋداندارىندا ينەرتتى ماتەريال تولتىرىلعان  1726 قاپ توسەلدى، ساندىقتاۋ جانە بۇلاندى اۋداندارىندا ينەرتتى ماتەريال تولتىرىلعان 450 قاپ دايىندالدى. كوكشەتاۋ ق. جانە تسەلينوگراد اۋدانىندا 380 مەتر بوگەن نىعايتىلدى. 7 اۋداندا (اقكول، بۇلاندى، بۋراباي، ەسىل، جاقسى، ساندىقتاۋ، شورتاندى) جانە كوكشەتاۋ قالاسىندا 13198 مەتر كانال تازارتىلدى، 34،219 تەكشە مەتر قار شىعارىلدى.

شىعىس قازاقستان وبلىسىنىڭ وسكەمەن قالاسى مەن بەسقاراعاي اۋدانىندا كوشەلەر مەن اۋلا اۋماقتارىنان 2742 تەكشە مەتر ەرىگەن قار سۋى سورىلدى. جاعدايدى باعالاۋ ماقساتىندا اكىمدىك، تجد، «قازسەلدەنقورعاۋ» مم فيليالى جانە «قازەكسپەرتيزا» جشس وكىلدەرى التاي اۋدانىنىڭ، گلۋبوكوە جانە كاتونقاراعاي اۋداندارىنىڭ اۋماعىن اۋەدەن شولىپ ۇشىپ شىقتى. كوكپەكتى اۋدانىنىڭ سامارسكوە اۋىلىندا تجم 52859 اسكەري ءبولىمىنىڭ ماماندارى ۇزىندىعى 300 مەتر ارىقتى تازارتىپ، حالىقتىڭ الەۋمەتتىك وسال توبىنا كومەك كورسەتۋدە (اۋلالاردى قار مەن مۇزدان تازارتتى، ارىقتار مەن ارنالاردى تازارتىلدى).

التاي اۋدانىندا (التاي ق.، مالەەۆسك ك.، زۋبوۆسك ك.) سۋ تاسقىنى جاعدايىندا ءىس-قيمىل ءتارتىبى بويىنشا حالىقپەن جۇمىس ۇيىمداستىرىلدى (39 ءۇي)، 100 قاپ ينەرتتى ماتەريالمەن تولتىرىلدى. ۇزىندىعى 50 مەتر سۋ قۇبى مەن ارنا تازالاندى.

باتىس قازاقستان وبلىسىنىڭ ورال قالاسى مەن بايتەرەك اۋدانىندا، ءبورلى، قاراتوبە، تەرەكتى جانە شىڭعىرلاۋ اۋداندارىندا كوشەلەر مەن اۋلا اۋماقتارىنان 8336 تەكشە مەتر ەرىگەن قار سۋى سورىلدى. ورال، اقساي جانە شىڭعىرلاۋ اۋداندارىنان 5،537 تەكشە مەتر قار شىعارىلدى.

قاراعاندى وبلىسىنىڭ قارقارالى اۋدانىندا (قاراكول اۋىلى) ۇزىندىعى 50 م جەر بىلىگى سالىندى، 50 توننا ينەرتتى ماتەريالدار قورى دايىندالدى. بۇقار جىراۋ (800م) جانە وساكاروۆ (200م) اۋداندارىندا جولداردا 1000 مەتر ارىق جانە 5 سۋ وتكىزۋ قۇرىلىسى، اقتوعاي اۋدانىندا 300 م كانال تازارتىلدى. وبلىستىڭ 4 اۋدانىندا (اقتوعاي، نۇرا، وساكاروۆ، قارقارالى) 835 تەكشە مەتر قار شىعارىلدى.

پاۆلودار وبلىسىنىڭ 3 قالاسى (پاۆلودار، ەكىباستۇز، اقسۋ) مەن 3 اۋدانىندا (اقتوعاي، جەلەزين، ەرتىس) 3452 تەكشە مەتر قار شىعارىلدى.

پروفيلاكتيكالىق جۇمىستاردى جۇرگىزۋگە تجم، جەرگىلىكتى اتقارۋشى ورگانداردان، پوليتسيا دەپارتامەنتىنەن جانە ۇيىمداردان 937 ادام، 390 بىرلىك تەحنيكا، 30 بىرلىك موتوپومپا جۇمىلدىرىلدى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار