«اتىراۋ قالاسىنداعى «وركەن», «نۇرسايا» شاعىن اۋداندارىندا 250 كەلۋشىگە ارنالعان ەمحانا مەن اۋىلدىق ەلدى مەكەندەردە 9 مەديتسينالىق-سانيتاريالىق العاشقى كومەك كورسەتەتىن نىسان سالۋ جوسپارلانۋدا. بۇدان بولەك, اتىراۋ قالاسىندا 3 قوسالقى ستانساسىمەن بىرگە جەدەل مەديتسينالىق جاردەم ستانساسىنىڭ قۇرىلىسى بوي كوتەرەدى. بۇل جوبالار اتىراۋ وبلىسىن الەۋمەتتىك-ەكونوميكالىق دامىتۋدىڭ 2021-2025 جىلدارعا ارنالعان جوسپارىنا ساي جۇزەگە اسادى» دەدى اسحان بايدۋاليەۆ.
سونداي-اق اتىراۋ قالاسىندا 250 كەلۋشىگە ارنالعان پسيحيكالىق دەنساۋلىق ورتالىعى, 350 كەلۋشىگە ارنالعان كوپفۋنكتسيالدى اۋرۋحانا, وبلىستىق ونكولوگيا ديسپانسەرى جانىنان راديولوگيالىق كورپۋستىڭ قۇرىلىسى جوسپارلانىپتى.
ونىڭ ايتۋىنشا, بۇل نىسانداردى ىسكە قوسۋ ارقىلى قان اينالىمى جۇيەسى, ونكولوگيالىق, تىنىس الۋ جولدارى اۋرۋلارىنان بولاتىن, سونداي-اق, نارەستە مەن انا ءولىمىن تومەندەتۋگە, ونكولوگيالىق اۋرۋلاردى ەرتە انىقتاۋعا جول اشىلادى.
