جاڭا كاسىپورىنداردا اۆتوكلاۆتى گازوبەتون, مەديتسينالىق ماقساتتاعى دياگنوستيكالىق تەستتەر, تابيعي تاستان جاسالعان بۇيىمدار, سالقىنداتقىش سۇيىقتىقتار, ۇلكەن ديامەترلى بولات دانەكەرلەنگەن قۇبىرلار, ەلەكتروتەحنيكالىق بۇيىمدار, ينجەنەرلىك سانتەحنيكا جانە جىلىتۋ جابدىقتارى, ورتاشا ءۆولتتى جيىنتىق تاراتۋ قۇرىلعىلارى شىعارىلاتىن بولادى. قازىرگى ۋاقىتتا بولىنگەن جەر تەلىمدەرىندە قۇرىلىس-مونتاجداۋ جۇمىستارى جۇرگىزىلۋدە. كومپانيالاردىڭ بىرقاتارى عيماراتتاردى ىشكى ارلەۋ, ونەركاسىپتىك جابدىقتاردى جەتكىزۋ جانە اۋماقتى اباتتاندىرۋ بويىنشا جۇمىستارعا كىرىستى.
بيىلعى جىلى سونىمەن بىرگە يندۋستريالىق ايماقتا شاعىن جانە ورتا بيزنەس نىساندارى ءۇشىن 22 مىڭ شارشى مەتر وندىرىستىك ورىندار پايدالانۋعا بەرىلىپ, 4 شاعىن ونەركاسىپتىك پاركتى ىسكە قوسۋ جوسپارلانۋدا. ول ماڭدا 850-دەن استام جاڭا جۇمىس ورنى اشىلادى. ينۆەستيتسيانىڭ جالپى كولەمى 3,2 ملرد تەڭگە. شاعىن ونەركاسىپتىك پاركتەرگە تاۋ-كەن ءوندىرۋ, جيھاز جانە جەڭىل ونەركاسىپ سالاسىنداعى شاعىن كاسىپورىندار تارتىلاتىن بولادى.
2025 جىلعا دەيىن يندۋستريالىق ايماقتا جالپى ينۆەستيتسيا سوماسى 81,1 ملرد تەڭگە بولاتىن, 3 مىڭنان استام ورنىمەن قامتاماسىز ەتەتىن 29 جوبانى ىسكە اسىرۋ جوسپارلانعان. قازىرگى ۋاقىتتا ينۆەستورلار جوبالاردى ىسكە قوسۋعا بايلانىستى قۇجات راسىمدەۋ جۇمىستارىمەن اينالىسۋدا.
قازىرگى جاعداي بويىنشا الماتىنىڭ يندۋستريالىق ايماعى اۋماعىنىڭ جالپى اۋدانى 490 گەكتار. ونىڭ 326 گەكتارى پايدالى اۋماققا جاتادى. ينفراقۇرىلىمدى اۋداننىڭ كولەمى 164 گا. بۇگىنگى تاڭدا جالپى سوماسى 75 ملرد تەڭگەنى قۇرايتىن «BRB APK», «Almapack», «DOC Co.LTD», «TOKYO ROPE ALMATY», «KMK Investment» - ءبىرىنشى جانە ەكىنشى كەزەڭدەر, «KazTigerTape», «ەنكو», «ASSET», «تەحنوۆيد», «مپز بيجان», «دورحان-الماتى», «المەرەك», «Hyundai Trans Kazakhstan» سياقتى 14 جوبا ىسكە قوسىلعان. مۇندا ەكى مىڭنان استام جۇمىس ورنىمەن قامتىلعان. بۇگىنگى تاڭدا الماتى يندۋستريالىق ايماعىنا قاتىسۋشى كومپانيالار 99,6 ملرد تەڭگەنىڭ ءونىمىن وندىرۋدە.
