دەنساۋلىق ساقتاۋ ەكس-ءمينيسترى ەلجان ءبىرتانوۆتىڭ دەنساۋلىعى سىر بەردى. قازىرگى تاڭدا وعان مەديتسينالىق كومەك كورسەتىلىپ جاتىر. بۇل تۋرالى بۇرىنعى باس دارىگەردىڭ قورعاۋشىسى دميتري كۋرياچەنكو «استانا» ارناسىنىڭ تىلشىلەرنە بەرگەن سۇحباتىندا ايتتى. سونداي-اق ونى ءۇي قاماعىندا نەگىزسىز ۇستاپ وتىرعانىنا نارازى.
ونىڭ ايتۋىنشا, تەرگەۋ ورگاندارىنىڭ ارەكەتى ءىستى وبەكتيۆتى جۇرگىزۋگە ەمەس, ءبىرتانوۆتى قۋدالاۋعا باعىتتالىپ وتىر. سونداي-اق ول ەكس-ءمينيستردىڭ اقشا جىمقىرۋ جانە ىسىراپ ەتۋ فاكتىسىنە ناقتى دالەلدىڭ جوعىن العا تارتتى.
– كەرىسىنشە, ونىڭ كىناسىزدىگىن راستايتىن فاكتىلەر جەتەرلىك. نەگىزگى كۇدىك حورۆاتيالىق «ەريكسون نيكولا تەسلا» كومپانياسىنىڭ ينتەگراتسيالانعان دەنساۋلىق ساقتاۋ پلاتفورماسىنىڭ جەتكىزۋشىسى جاساعان بولجامدارعا نەگىزدەلگەن. الايدا, ءتىپتى «EGOV» سايتىندا ازاماتتار انىقتاعان مەديتسينالىق مەكەمەلەردە تىركەۋ تۋرالى جاقىندا بولعان جانجال پلاتفورمانىڭ جۇمىس ىستەپ تۇرعانىن راستايدى. باس پروكۋراتۋرا ءبىرتانوۆتى قورعاۋدىڭ ءوتىنىشىن قولداپ, تەرگەۋ تۋرالى «ەريكسون نيكولا تەسلانىڭ» قاتىسۋىمەن قايتا ساراپتاما تاعايىندادى, – دەيدى بۇرىنعى ءمينيستردىڭ ادۆوكاتى.
ەستەرىڭىزگە سالا كەتەيىك, بىلتىر كۇزدە ەلجان ءبىرتانوۆ بيۋدجەت اقشاسىن ءىرى كولەمدە جىمقىردى دەگەن كۇدىكپەن ۇستالعان بولاتىن.
