ايماقتىق كوممۋنيكاتسيالار قىزمەتىنىڭ وكىلى: «يممۋنداۋ كەزەڭى باستالعاننان بەرۋ جەرگىلىكتى 8693 ادامعا ۆاكتسينا ەگىلدى, سونىڭ ىشىندە ءبىر كومپونەنت – 6854 ادام, 2 كومپونەنت– 1839 ادامعا ەگىلگەن. ۆاكتسينا ەگىلگەن سوڭ قولايسىز جايعدايلار تىركەلگەن جوق», دەپ ايتىپ ءوتتى.
بۇگىندە وبلىسقا ۆاكتسينانىڭ 12900 دوزاسى كەلىپ جەتتى, سونىڭ ىشىندە 1 كومپونەنتتى دوزادان – 7200, 2 كومپونەنتتى دوزادان – 5700 ۆاكتسينا بار. تۇرعىنداردىڭ بارلىق ساناتتارىن يممۋنداۋ ءۇشىن «گام-كوۆيد-ۆاك» ۆاكتسيناسى قولدانىلىپ وتىر.
اتاپ وتەيىك, 30-31 ناۋرىز كۇندەرى قوستاناي وبلىسىندا COVID-19 ۆيرۋسىن جۇقتىرۋ وقيعالارىنىڭ سانى ءبىر دەڭگەيدە (37وقيعا) تۇر. تاۋلىك ىشىندە اۋرۋعا شالدىعۋ ءوسىمىنىڭ قارقىنى 0,27 پايىزدى قۇراعان. وبلىستا بىلتىرعى 3 ساۋىردەن باستاپ بيىلعى 31 ناۋرىزعا دەيىن COVID-19 ۆيرۋسىنا شالدىعۋدىڭ 13821 وقيعاسى تىركەلگەن. جازىلىپ شىققان ناۋقاستار سانى – 12293 ادام.
