ايماقتار • 01 ءساۋىر، 2021

قىمبات شەتەلدىك كولىكتەردى ۇرلاۋمەن اينالىسقان قىلمىستىق توپ ۇستالدى

40 رەت كورسەتىلدى

تۇركىستان وبلىسىنىڭ پوليتسەيلەرى ءۇش وبلىستىڭ اۋماعىندا قىمبات شەتەلدىك كولىكتەردى ۇرلاۋمەن اينالىسقان ايماقارالىق قىلمىستىق توپتى ۇستادى، دەپ حابارلايدى Egemen.kz ىشكى ىستەر مينيستلىگىنىڭ ءباسپاسوز قىزمەتىنە سىلتەمە جاساپ.

شىمكەنت قالاسىندا پوليتسەيلەر ۇرلانعان Toyota Camry 55 اۆتوكولىگىن تاركىلەدى، ونى كۇدىكتىلەر ءتورت ميلليون تەڭگەگە ساتىپ ۇلگەرگەن جانە ۇرلانعان اۆتوكولىكتىڭ ەسىگىن اشقان ەلەكتروندى سكانەر اپپاراتى دا ايعاقتى زات رەتىندە الىندى.

تۇركىستان قالالىق پوليتسيا باسقارماسىنا جەرگىلىكتى تۇرعىن بەلگىسىز ادامداردىڭ ونىڭ Toyota Camry 55 ماركالى اۆتوكولىگىن ۇرلاپ كەتكەنى تۋرالى ارىزدانعان. اتالعان جايتتى پوليتسيا قىزمەتكەرلەرى قر قك-ءنىڭ 188-بابى 4-بولىگى (اسا ءىرى كولەمدەگى ۇرلىق) بويىنشا سدتبت-عا تىركەگەن. قىلمىستى اشۋ ماقساتىندا تۇركىستان وبلىسى پد-دا كريمينالدىق پوليتسيا باسقارماسى مەن تۇركىستان قپب-نىڭ تاجىريبەلى قىزمەتكەرلەرىنەن تۇراتىن جەدەل-تەرگەۋ توبى قۇرىلدى. پوليتسەيلەر بىردەن وقيعا ورنىنا كەلىپ، كۇدىكتىلەردى جەدەل ىزدەستىرۋگە كىرىستى.

تەرگەۋ بارىسى مەن اۆتوۇرىلاردى ۇستاۋ تۋرالى وقيعانىڭ باسى-قاسىندا جۇرگەن تو پد باستىعىنىڭ ورىنباسارى قۇرمانبەك ساحوۆ تولىعىراق ايتىپ بەردى.

– ارنايى جۇرگىزىلگەن وپەراتسيا ناتيجەسىندە ءبىزدىڭ جەدەل ۋاكىلدەر ءتورت كۇدىكتىنى ۇستادى. ولاردىڭ تورتەۋى اقتوبە وبلىسىنىڭ تۇرعىندارى، ونىڭ ىشىندە ەكەۋى دەسترۋكتيۆتى ءدىني اعىمنىڭ مۇشەلەرى بولىپ شىقتى. ۇستالعانداردىڭ ۇشەۋى بۇرىن قاراقشىلىق جانە قارۋ ساقتاعانى ءۇشىن سوتتالعان. كۇدىكتىلەر قاماۋعا الىندى.

تەرگەۋ بارىسىندا قىلمىستىق توپ مۇشەلەرىنىڭ الدىن-الا جوسپارلانعان سىزبا بويىنشا، ارقايسىسى ءوز ءرولىن سومداۋ ارقىلى ارەكەت ەتكەنى انىقتالدى. كۇدىكتىلەر قۇنى 10 ميلليون تەڭگەدەن اساتىن اۆتوكولىكتەردى ارنايى سكانەرلەۋ قۇرىلعىسىنىڭ كومەگىمەن اشقان. ولار اۆتوكولىك يەلەرىن باقىلاپ، ەسىكتەرىن اشقان كەزدە ەلەكتروندى ق ۇلىپتاردى سكانەرلەگەن. سەزىكتىلەر قىمبات كولىككە قول جەتكىزگەننەن كەيىن، ولاردى تۇراقتان نەمەسە كوشەلەردەن ۇرلاپ، ايداپ اكەتكەن.

تەرگەۋ بۇگىنگى كۇنى كۇدىكتىلەردىڭ اۆتوكولىك ۇرلىعىنىڭ جالپى بەس دەرەگىنە قاتىستىلىعىن انىقتادى. ولار بەس قىلمىستىڭ ەكەۋىن اقتوبە قالاسىندا، ەكەۋىن تۇركىستان وبلىسىندا جانە بىرەۋىن قىزىلوردا وبلىسىندا جاساعان. قازىرگى ۋاقىتتا سوتقا دەيىنگى تەرگەۋ جۇمىستارى جالعاسۋدا. سونداي-اق كۇدىكتىلەردىڭ باسقا دا وسىنداي قىلمىستارعا قاتىسى بار-جوعى انىقتالۋدا، – دەدى ق. ساحوۆ.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار