«بۇل كۇشىكتەردى اقش-قا اكەلگەننەن كەيىن, ولاردى اجىراتا المادىق. قازىر ولاردىڭ جاعدايى قالىپتى. ءبىز ءبىر وتباسىعا اينالدىق. ولار ءتىپتى ءبىزدىڭ العاشقى يتىمىزدەن دە ۇلكەن بولىپ ءوسىپ كەتتى», دەدى فەسس ستوۋن.
سونداي-اق ول اقتاۋداعى ءۇي جانۋارلارلارىنىڭ جاعدايى ءماز ەمەس ەكەنىن ءوز كوزىمەن كورگەنىن ايتتى.
«بىزگە يتتەردى تاستاپ كەتۋگە ۇسىنعان ورىن جانتۇرشىگەرلىكتەي بولدى. سول جەردە ءومىر ءسۇرىپ جاتقان جانۋارلاردىڭ جاعدايى جاقساردى ما؟», دەپ شەتەلدىك ساياحاتشى ءوزىنىڭ الاڭداتاتىنىن جەتكىزدى.
ايتا كەتەيىك, تۋريستەر 2019 جىلدىڭ قازان ايىندا شەرقالا تاۋىنىڭ جانىنداعى تۋر كەزىندە قاڭعىباس كۇشىكتەردى تاۋىپ العان. ولار جەرگىلىكتى ۆەتەرينار مامانداردان كومەك سۇراعان. بۇل قازاقستاننان امەريكاعا يتتەردىڭ ءبىرىنشى رەت كەتۋى ەمەس. 2020 جىلدىڭ جەلتوقسانىندا ازاپتالعان اتىراۋلىق يت تە اقش-قا ۇشىپ كەتكەن بولاتىن.
