وبلىستىق پد ەسىرتكى قىلمىسىنا قارسى كۇرەس باسقارماسى باسشىسىنىڭ ورىنباسارى ەربول قارىمساقوۆتىڭ ايتۋىنشا, ەلىمىزدىڭ بىرنەشە وڭىرىندە ءبىر مەزگىلدە وتكەن جەدەل قۇرىقتاۋ شاراسىنا 7 ۇستاۋ توبى قاتىسقان.
«22 ناۋرىزدا ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى قوستاناي, جامبىل وبلىستارى مەن نۇر-سۇلتان قالاسىندا ەسىرتكى تاسىمالداۋمەن اينالىسىپ كەلگەن 8 ادامنان قۇرىلعان قىلمىستىق توپتى ۇستادى. قازىر كۇدىكتىلەرگە قاتىستى قر قك 297-بابىنىڭ 4-ءبولىمى بويىنشا سوتقا دەيىنگى تەرگەۋ ءجۇرىپ جاتىر», دەدى ە. قارىمساقوۆ.
ەسىرتكى ساتۋشىلار پوليتسيانىڭ كوزىنە وسىدان 4 اي بۇرىن تۇسكەن. پوليتسيا مالىمەتىنشە, قىلمىستىق توپتى دەنيسوۆ اۋدانىندا تۇراتىن 51 جاستاعى مال دارىگەرى ۇيىمداستىرعان. ونىڭ نۇسقاۋىمەن قوستاناي وبلىسىنىڭ تاعى ءبىر تۇرعىنى ەسىرتكى تاسىمالداۋمەن اينالىسىپ كەلگەن. ەسىرتكىنى شۋ اۋدانىنىڭ 67 جاستاعى تۇرعىنى جونەلتىپ وتىرعان. مۇنىڭ سىرتىندا, ەسىرتكى تاراتاتىن تاعى ءبىر توپ جۇمىس ىستەگەن. تاركىلەنگەن ەسىرتكى زاتتارىنىڭ جاسىرىن ساۋدا نارىعىنداعى باعاسى شامامەن 14 ملن تەڭگە بولادى.
قوستاناي وبلىسى
