«پەتروپاۆل قالاسىندا تۇرمىستىق گازدىڭ جارىلۋى, سونداي-اق جامبىل وبلىسىنىڭ جاڭاتاس قالاسىندا جانە قىزىلوردا قالاسىندا ءورت شىعۋ فاكتىلەرى بويىنشا ىشكى ىستەر مينيسترلىگى قىلمىستىق ءىس قوزعادى, ءتيىستى ساراپتامالار (ورتتەحنيكالىق, سوت-مەديتسينالىق جانە جارىلىس-تەحنيكالىق ساراپتامالار) تاعايىندالدى», دەلىنگەن ۇكىمەت باسشىسىنىڭ دەپۋتاتتىق ساۋالعا بەرگەن جاۋابىندا.
ونىڭ ايتۋىنشا, جامبىل وبلىسى جاڭاتاس قالاسىنداعى ءورت بويىنشا جامبىل وبلىسى توتەنشە جاعدايلار دەپارتامەنتىنىڭ ورتتەردى زەرتتەۋ جونىندەگى مامانىنىڭ الدىن الا قورىتىندىسىنا سايكەس, ءورتتىڭ تەحنيكالىق سەبەبى اشىق وتتىڭ جانعىش ماتەريالدارعا (اعاش, قاعاز, ماتەريا, پلاستيك جانە ت.ب.) تارالۋىنان بولعان. ءورت پاتەردەگى بالالار بولمەسىنەن شىققان, بۇل بالالاردىڭ وتپەن ويناۋىنىڭ سالدارى (سىرىڭكە, وتتىق جانە ت.ب.) بولۋى مۇمكىن.
«تەرگەۋ ءىس-قيمىلدارى اياقتالعاننان كەيىن ء(ورتتىڭ سەبەپتەرىن انىقتاۋ) ءتيىستى لاۋازىمدى ادامداردىڭ ءىس-ارەكەتتەرىنە باعا بەرىلەدى جانە ولاردىڭ جاۋاپكەرشىلىگى انىقتالادى. ورتتەر بويىنشا قىلمىستىق ىستەردى تەرگەۋ بارىسى ىشكى ىستەر مينيسترلىگىنىڭ ەرەكشە باقىلاۋىنا تۇر», دەدى ا. مامين.
ەسكە سالا كەتەيىك, ءماجىلىستىڭ جالپى وتىرىسىندا دەپۋتاتتار ادام ولىمىنە اكەپ سوققان جامبىل, قىزىلوردا وبلىستارىندا جانە پەتروپاۆل قالاسىندا بولعان قايعىلى وقيعالارعا بايلانىستى ۇكىمەت باسشىسىنىڭ اتىنا دەپۋتاتتىق ساۋال جولداعان بولاتىن.
وسى ورايدا دەپۋتاتتار پرەمەر-مينيستر اسقار ماميننەن توتەنشە جاعدايلار مينيسترلىگى وڭىرلەردىڭ اكىمدىكتەرىمەن بىرلەسىپ, كوپقاباتتى ۇيلەرگە, اسىرەسە ۋاقىتشا باسپانا مەن ساياجايلارعا, باسقا دا جايلى ەمەس تۇرعىن ۇيلەرگە ءاربىر ناقتى جاعدايدا كومەك كورسەتۋ تۇرعىسىنان تولىق جۇمىستاردى جۇرگىزۋدى سۇرادى.
