اكتسيانىڭ نەگىزگى ماقساتى – عالامشار رەسۋرستارىنا جاۋاپتى جانە ۇقىپتى قاراۋعا ادامداردىڭ نازارىن اۋدارۋ. جىل سايىن 180 ەلدەن ميلليونداعان ادامدار 1 ساعاتقا جارىق پەن ەلەكتر قۇرىلعىلارىن سوندىرەدى.
الەمنىڭ مىڭداعان ساۋلەت ەسكەرتكىشتەرى: ەيفەل مۇناراسى, بيگ بەن, كوليزەي ءوز جارىقتارىن سوندىرەدى.
قازاقستاندا «جەر ساعاتى» اكتسياسى جىل وتكەن سايىن تانىمال بولىپ كەلەدى. ەگەر بۇرىن بۇل ناۋقاندى تەك ءىرى قالالار قولداسا, سوڭعى ەكى جىل قاتارىنان ەلدىڭ بارلىق وڭىرلەرى اكتسياعا قوسىلىپ جاتىر.
اكتسيانىڭ ۇيىمداستىرۋشىلارى: ەكولوگيا, گەولوگيا جانە تابيعي رەسۋرستار مينيسترلىگى, قازاقستاننىڭ ەكولوگيالىق ۇيىمدارىنىڭ قاۋىمداستىعى, «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» كەاق, «جاسىل» ەكونوميكا جانە G-Global-دى دامىتۋ كواليتسياسى» زتب, «QazExpoCongress» ۇلتتىق كومپانياسى» اكتسيونەرلىك قوعامى, «Eco Fund Tabigat» قوعامدىق قورى, سونداي-اق وبلىستىق, قالالىق جانە اۋداندىق اكىمدىكتەر.
جەرگىلىكتى ۋاقىت بويىنشا 20:30-دا ەلوردادا كەلەسى نىسانداردىڭ سىرتقى ساندىك جارىعى وشىرىلەدى: استانا-ارەنا, الاۋ مۇز ايدىنى, بارىس ارەنا, قازمەديا ورتالىعى, ماڭگىلىك ەل مونۋمەنتى (تريۋمفالدى اركا), NUR ALEM بولاشاق ەنەرگياسى مۇراجايى, استانا وپەرا وپەرا جانە بالەت تەاترى, سارايشىق كوشەسىندەگى م2 كوپىرى, سىعاناق كوشەسىندەگى م3 كوپىرى, استانا-بايتەرەك مونۋمەنتى, Talan Towers بو, «قتج» اق عيماراتى, نۇر-الەم سفەراسى, حان شاتىرسوو, «Ailand» ودو, Mega Silk Way سوو, «سارى ارقا» سوو, نازارباەۆ ۋنيۆەرسيتەت, «جەكپە-جەك» سك, «اق وردا» پرەزيدەنت رەزيدەنتسياسى, حازىرەت سۇلتان مەشىتى, قر ۇلتتىق مۇراجايى, شابىت شىعارماشىلىق سارايى, تاۋەلسىزدىك سارايى, بەيبىتشىلىك جانە كەلىسىم سارايى, قازاق ەلى مونۋمەنتى, وقۋشىلار سارايى, ءىىم عيماراتى, سونداي-اق 150-دەن استام تۇرعىن ءۇي كەشەندەرى.
