فوتو: egemen.kz/ قىرمىزى جۇماعاليقىزى
مينيسترلىكتىڭ مەديتسينالىق جانە فارماتسەۆتيكالىق باقىلاۋ كوميتەتى جۇرگىزگەن مونيتورينگتىڭ بارىسىندا 1900 جەكە ەمشارا كابينەتىنىڭ 408-ءى ءتيىستى ليتسەنزياسىز مەديتسينالىق قىزمەت كورسەتكەنى انىقتالدى.
ۋاكىلەتتى ورگان جۇرگىزگەن تەكسەرۋلەردىڭ ناتيجەسىندە 270 ەمشارا كابينەتى ءوز قىزمەتىن ەرىكتى تۇردە توقتاتتى. سونداي-اق بىرقاتار سۋبەكت قىزمەتىن زاڭداستىرۋعا دايىن ەكەنىن ءبىلدىرىپ, رۇقسات بەرۋ قۇجاتتارىن راسىمدەۋگە كىرىسكەن. 116 نىسانعا قاتىستى جوسپاردان تىس تەكسەرۋلەر باستالدى.
ايدا بالاەۆا: مەملەكەت كەپىلدىك بەرگەن مەديتسينالىق كومەكتىڭ كولەمى ساقتالادى
تەكسەرۋ ءىس-شارالارىنىڭ قورىتىندىسى بويىنشا مىناداي جۇيەلى بۇزۋشىلىقتار انىقتالدى:
• مەديتسينالىق قىزمەتتى ليتسەنزياسىز جۇزەگە اسىرۋ;
• سانيتاريالىق-ەپيدەميولوگيالىق تالاپتاردى ساقتاماۋ;
• دارىلىك زاتتاردى ساقتاۋ شارتتارىنىڭ بۇزىلۋى;
• بىلىكتى مەديتسينالىق پەرسونالدىڭ بولماۋى;
• شۇعىل مەديتسينالىق كومەك كورسەتۋگە ارنالعان قاجەتتى جيىنتىقتاردىڭ بولماۋى.
قازاقستاندا مەديتسينالىق كومەكتىڭ ساپاسىن باسقارۋدىڭ كەشەندى جوسپارى بەكىتىلدى
باقىلاۋ ءىس-شارالارىنىڭ ناتيجەلەرى بويىنشا 147 اكىمشىلىك حاتتاما تولتىرىلىپ, زاڭ تالاپتارىن ەسكەرمەگەن مەكەمەلەرگە جالپى سوماسى 16 ملن تەڭگەدەن استام ايىپپۇل سالىنعان.
