«24 ناۋرىزدا الەۋمەتتىك جەلىلەردى مونيتورينگىلەۋ كەزىندە kolesa_pavlodar پاراقشاسىندا پويىز ءماشينيسىنىڭ شۇعىل توقتاۋعا تۋرا كەلگەنى تۋرالى ۆيدەو جاريالاندى. سەبەبى تەمىرجولدا اۆتوكولىك تۇرعان. اتالعان فاكتى بويىنشا تەكسەرۋ جۇرگىزىلدى. ناتيجەسىندە پوليتسەيلەر شارباقتى اۋدانى الەكسەەۆكا اۋىلىنىڭ وتكەلىندە 544 كم تەمىرجول بويىندا «Toyota Camri» اۆتوكولىگىنىڭ جۇرگىزۋشىسى جول ءجۇرۋ ەرەجەلەرىن ورەسكەل بۇزىپ, باعدارشامنىڭ تىيىم سالاتىن سيگنالىن ەسكەرمەگەنىن انىقتادى. جۇرگىزۋشى ءجۇرىپ ۇلگەرەمىن دەپ ويلاعان, الايدا ءدال سول جەردە كولىك توقتاپ قالعان», دەدى پاۆلودار وبلىستىق پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.
پوليتسيادا جۇرگىزۋشى انىقتالعانىن, ول شارباقتى اۋدانى اۋىلىنىڭ 38 جاستاعى تۇرعىنى بولىپ شىققانىن اتاپ ءوتتى. تەمىر جول وتپەسى باعدارشامىنىڭ تىيىم سالىنعان بەلگىسىنە ءوتۋ فاكتىسى بويىنشا جۇرگىزۋشىگە قاتىستى قر اقبتك-ءنىڭ 607-بابى 1-بولىگىنە سايكەس اكىمشىلىك ءىس قوزعالىپ, 10 اەك مولشەرىندە ايىپپۇل سالىندى.
