24 ناۋرىزدا «قاندىاعاش-ەمبى-شالقار» اۆتوجولىندا جول-كولىك وقيعاسى ورىن الىپ, ادامدار قازا بولدى.
40 جاستاعى «لادا-پريورا» اۆتوكولىگىنىڭ جۇرگىزۋشىسى ەمبى قالاسى جاعىنان قاندىاعاش قالاسى باعىتىندا «قاندىاعاش-ەمبى-شالقار» اۆتوجولىمەن 61 شاقىرىم قاشىقتىعىندا ىزىمبەت كەنتىنىڭ ماڭىندا باسىپ وزا وتىرىپ, شىعاتىن قوزعالىس جولاعى باسىپ وزۋ ءۇشىن جەتكىلىكتى قاۋىپسىز جانە وسى جولمەن قارسى كەلە جاتقان كولىك قۇرالدارىنا كەدەرگى كەلتىرمەيتىنىنە كوز جەتكىزبەي, باسقا «لادا-پريورا» اۆتوكولىگىمەن سوقتىعىسۋىنا جول بەرگەن.
جول-كولىك وقيعاسى سالدارىنان جۇرگىزۋشى مەن 32 جاستاعى ايەل, 14 جاستاعى بالا وقيعا ورنىندا كوز جۇمدى, ال 3 جاسار قىز ەمبى قالاسىنىڭ ورتالىق اۋرۋحاناسىنا جاتقىزىلدى. سونىمەن قاتار, باسقا كولىكتىڭ جۇرگىزۋشىسى مەن التى جولاۋشىسى ەمبى قالاسىنىڭ ورتالىق اۋداندىق اۋرۋحاناسىنا جاتقىزىلدى, وندا 51 جاستاعى جولاۋشى ەسىن جيماستان قايتىس بولدى. جكو فاكتىسى بويىنشا قر قك 345-بابى 4-بولىگى بويىنشا سوتقا دەيىنگى تەرگەۋ جۇرگىزىلۋدە.
