«ۇلتتىق سەيسمولوگيالىق زەرتتەۋلەر جانە اقپارات عىلىمي ورتالىعى» جشس-ءنىڭ سەيسميكالىق ستانتسيالار جەلىسى جەر سىلكىنىسىن ساعات 21:13-تە تىركەگەن.
جەر سىلكىنىسىنىڭ ەپيتسەنترى الماتى قالاسىنان وڭتۇستىك-باتىسقا قاراي 853 شاقىرىم قاشىقتىقتا, اۋعانستان اۋماعىندا ورنالاسقان.
سەزىلۋ دەڭگەيى 2 بالل بولعان.
جەر سىلكىنىسى سەزىلگەن وڭىرلەر
شىمكەنت قالاسى
تۇركىستان وبلىسى:
ماقتاارال اۋدانى – مىرزاكەنت كەنتى,
جەتىساي اۋدانى – جەتىساي قالاسى,
كەلەس اۋدانى – اباي اۋىلى,
سارىاعاش اۋدانى – سارىاعاش قالاسى,
شاردارا اۋدانى – شاردارا قالاسى,
قازىعۇرت اۋدانى – قازىعۇرت اۋىلى,
تولەبي اۋدانى – لەنگەر قالاسى,
سايرام, مانكەنت اۋىلدارى,
سايرام اۋدانى – اقسۋكەنت اۋىلى,
تۇلكىباس اۋدانى – تۇرار رىسقۇلوۆ اۋىلى,
ارىس قالاسى,
ورداباسى اۋدانى – تەمىرلان اۋىلى,
وتىرار اۋدانى – ءشاۋىلدىر اۋىلى,
بايدىبەك اۋدانى – شايان اۋىلى,
تۇركىستان, كەنتاۋ قالالارى,
ساۋران اۋدانى – شورناق اۋىلى,
سوزاق اۋدانى – شولاققورعان اۋىلى.
جامبىل وبلىسى:
جۋالى اۋدانى – باۋىرجان مومىش ۇلى اۋىلى,
تاراز قالاسى,
بايزاق اۋدانى – سارىكەمەر اۋىلى,
جامبىل اۋدانى – اسا اۋىلى,
ت. رىسقۇلوۆ اۋدانى – قۇلان اۋىلى,
مەركى اۋدانى – مەركى اۋىلى,
تالاس اۋدانى – قاراتاۋ قالاسى,
سارىسۋ اۋدانى – جاڭاتاس قالاسى,
قورداي اۋدانى – قورداي اۋىلى.
زارداپ شەككەندەر مەن قيراۋلار تۋرالى اقپارات تۇسكەن جوق.
جەر سىلكىنىسى كەزىندە نە ىستەۋ كەرەك
تجم 10 نەگىزگى ەرەجەنى ەسكە سالدى:
- سابىر ساقتاپ, ۇرەيگە بوي الدىرماۋ;
- ءدۇمپۋ كەزىندە ليفت پەن باسپالداقتى پايدالانباۋ;
- جيھازدان, تەرەزەدەن, ليۋسترادان الىس تۇرۋ;
- بەرىك پانالاۋ ورنىن تابۋ (جوعارعى قاباتتا بولساڭىز, جۇك كوتەرگىش قابىرعالاردىڭ بۇرىشىنا تۇرۋ);
- دۇمپۋلەر توقتاعاننان كەيىن عيماراتتان شىعۋ;
- سۋ, گاز, ەلەكتردى ءوشىرۋ;
- الدىن الا دايىندالعان «دابىل سومكەسىن» الۋ;
- ەلەكتر جەلىلەرىنەن, عيماراتتار مەن اعاشتاردان الىس بولۋ;
- قايتالاما دۇمپۋلەرگە دايىن بولۋ;
- قارتتار مەن مۇمكىندىگى شەكتەۋلى ادامدارعا كومەكتەسۋ.
جامبىل وبلىستىق تجد-دە «جەدەل جەلى» تەلەفوندارى جۇمىس ىستەيدى: 8 (7262) 51-35-75, 51-41-67.
ايتا كەتەيىك, 31 ناۋرىزدا جەتىسۋ وبلىسىندا دا 2 باللدىق جەر سىلكىنىسى تىركەلگەن. سول كۇنى جاركەنت قالاسىنىڭ تۇرعىندارى جەراستى دۇمپۋلەرىن ەكى رەت سەزگەن.
