«بۇگىنگى كەڭەسىمىزدىڭ ۇلتىمىز ءۇشىن قاسيەتتى كۇندەرىمەن تۇسپا-تۇس كەلۋدە دە تەگىن ەمەس دەپ ويلايمىز. حالقىمىز ءۇشىن جەر - كاسىپتىڭ كوزى. سوندىقتان دا ول ەرەكشە باعالى ۇعىم. «جەر - ىرىستىڭ كىندىگى, ەڭبەك - ىرىستىڭ قازىعى, بىرلىك - ىرىستىڭ تىزگىنى» دەپ بابالارىمىز تەگىن ايتپاعان. وسىندا ايتىلعان ويدىڭ بۇل دا ءبىر بۇگىن ناقتى دالەلى دەپ ايتۋعا تولىقتاي نەگىز بار», دەدى پرەمەر-ءمينيستردىڭ ورىنباسارى.
2016 جىلى اۋىل شارۋاشىلىعى جەرلەرىن قازاقستاندىقتارعا جەكەمەنشىككە, شەتەلدىكتەرگە, شەتەلدىك زاڭدى تۇلعالارعا جانە شەتەلدىك ۇلەسى بار قازاقستاندىق زاڭدى تۇلعالارعا جالعا بەرۋگە موراتوري ەنگىزىلگەن.
«25 اقپاندا وتكەن ۇلتتىق قوعامدىق سەنىم كەڭەسىنىڭ 5-وتىرىسىندا قر پرەزيدەنتى قاسىم-جومارت توقاەۆ اۋىل شارۋاشىلىعى جەرلەرىن شەتەلدىكتەرگە جانە شەتەلدىك كومپانيالارعا, ازاماتتىعى جوق ادامدارعا, حالىقارالىق قاتىسۋى بار عىلىمي ورتالىقتارعا, سونداي-اق قانداستارعا بەرۋگە تولىقتاي تىيىم سالۋ تۋرالى ساياسي شەشىمىن جاريالادى. بۇل بويىنشا زاڭ جوباسى 12 ناۋرىزدا پارلامەنتكە ەنگىزىلدى. مەملەكەت باسشىسىنىڭ تاپسىرماسىنا سايكەس, جەر زاڭنامالارىن جەتىلدىرۋ ماقساتىندا پرەمەر-ءمينيستردىڭ وكىمىمەن جەر رەفورماسى جونىندەگى كوميسسيا قۇرىلدى», دەدى ول.
ۇكىمەت باسشىسىنىڭ ايتۋىنشا, كوميسسيا قۇرامىنا اۋىل شارۋاشىلىعى سالاسىنداعى قاۋىمداستىقتار مەن بىرلەستىكتەردىڭ وكىلدەرى, اگروبيزنەستەگى بەدەلدى ازاماتتار, سونىمەن قاتار قر پارلامەنتى دەپۋتاتتارى, جەرگىلىكتى اتقارۋشى ورگاندار وكىلدەرى, ۇلتتىق قوعامدىق سەنىم كەڭەسىنىڭ مۇشەلەرى, «اتامەكەن» ۇكپ وكىلدەرى, قوعام قايراتكەرلەرى, ساياساتكەرلەر, جۋرناليستەر ەنىپ وتىر. كوميسسيا 80 ادامنان تۇرادى. ونىڭ 60 پايىزى ازاماتتىق وعام وكىلدەرى جانە تاۋەلسىز ساراپشىلار.
«كوميسسيانىڭ الدىندا اۋىل شارۋاشىلىعى ماقساتىنداعى جەر قاتىناستارى سالاسىن دامىتۋ ماسەلەسى بويىنشا ۇسىنىمدى ازىرلەۋ مىندەتى تۇر. سوندىقتان ەل باسشىلىعى, بۇكىل ەلىمىز, اسىرەسە كاسىبى جەرمەن تىكەلەي بايلانىستى اۋىل شارۋاشىلىعى ونىمدەرىن وندىرۋشىلەر كۇتىپ وتىرعانىن ەسكەرىپ, اقىلداسىپ, ناقتى شەشىم قابىلدايتىندىعىمىزعا كۇمىن جوق», دەدى ەرالى توعجانوۆ.
