«ساعات 20:30 شاماسىندا مۋرمانسك وبلىسى بەلوكامەنكا اۋىلىنىڭ جانىنداعى ءىرىتونناجدى تەڭىز قۇرىلىمدارى ورتالىعىنىڭ قۇرىلىس الاڭدارىنىڭ بىرىندە ۆاحتالىق جۇمىسشىلاردىڭ, سونىڭ ىشىندە قازاقستان رەسپۋبليكاسى ازاماتتارىنىڭ قاتىسۋىمەن جاپپاي توبەلەس بولدى.
وقيعا تۇرمىستىق سيپاتقا يە. كومپانيا وكىلدەرىنىڭ ايتۋىنشا, قازىرگى تاڭدا ماسەلە شەشىلىپ, قىزمەتكەرلەر قالىپتى رەجيمدە جۇمىس ىستەپ جاتىر. قولدا بار مالىمەتتەرگە سايكەس, جاراقات العاندار مەن قۇقىق قورعاۋ ورگاندارى ۇستاپ الىپ كەتكەن ادامدار اراسىندا قازاقستاندىقتار جوق», دەدى قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
