«Koc Holding», «Yildirim Holding», «TAV Holding», «Calik Holding», «Kibar Holding», «Atabay» جانە «Goknur Gida» اتتى جەتى جەتەكشى تۇرىك حولدينگتەرىنىڭ باسشىلارىمەن وتكەن كەلىسسوزدەردە ازىق-ت ۇلىك ونەركاسىبى, ماشينا جاساۋ, تاۋ-كەن مەتاللۋرگيا سالاسى, ينفراقۇرىلىم جانە اقپاراتتىق-كوممۋنيكاتسيالىق تەحنولوگيالار, حيميا ونەركاسىبى جانە فارماتسەۆتيكا سالالارىنداعى ينۆەستيتسيالىق ىنتىماقتاستىق ماسەلەلەرى تالقىلاندى.
ءسىم باسشىسى قازاقستان تۇركيامەن ساۋدا-ەكونوميكالىق جانە ينۆەستيتسيالىق بايلانىستاردى دامىتۋعا زور ءمان بەرەتىنىن مالىمدەدى. ء«بىز تۇرىك ينۆەستورلارىنا جان-جاقتى قولداۋ كورسەتۋگە دايىنبىز. ءاربىر جوبا مەملەكەتىمىزدىڭ دامۋى مەن قازاقستان-تۇركيا ستراتەگيالىق سەرىكتەستىگىن ودان ءارى كەڭەيتۋ ءۇشىن ەرەكشە ماڭىزعا يە», - دەدى م.تىلەۋبەردى.
ءوز كەزەگىندە تۇركيانىڭ جەتەكشى حولدينگتەرىنىڭ باسشىلارى قازاقستان ولار ءۇشىن ينۆەستيتسيالىق تارتىمدى مەملەكەت ەكەنىن اتاپ ءوتىپ, ەلىمىزدە ءوز جوبالارىن ىسكە اسىرۋ ءۇشىن ناقتى ۇسىنىستار ايتتى. اتاپ ايتقاندا, بۇل ۇسىنىستار ينۆەستيتسيالىق پرەفەرەنتسيالار تۇرلەرىن ۇلعايتۋدى, ينفراقۇرىلىمدىق ماسەلەلەردى شەشۋدى, يندۋستريالىق جانە ارنايى ەكونوميكالىق ايماقتاردىڭ جۇمىسىن ودان ءارى جەتىلدىرۋدى, كادرلار دايارلاۋدى جانە باسقا دا ماڭىزدى باعىتتاردى قامتىدى.
اتالعان حولدينگتەردىڭ ورتا مەرزىمدى پەرسپەكتيۆادا قازاقستانعا سالۋعا جوسپارلانعان ينۆەستيتسيالارىنىڭ كولەمى 1 ملرد اقش دوللارىنان اسادى.
سونىمەن قاتار, م.تىلەۋبەردى بيىل قازاقستاندا 10 جاڭا ءوندىرىستى ىسكە قوسۋدى جوسپارلاعان تۇرىك كومپانيالارىمەن كەزدەستى. تۇرىك كاسىپكەرلەرى ماشينا جاساۋ, مەديتسينالىق بۇيىمدار, تاماق ونەركاسىبى, ينفراقۇرىلىم, تاۋ-كەن ونەركاسىبى جانە تۇرعىن ءۇي-كوممۋنالدىق شارۋاشىلىق سالاسىنداعى جوبالاردى جۇزەگە اسىرۋدى جوسپارلاپ وتىر.
تۇرىك كومپانيالارىنا قازاقستاننىڭ ينۆەستيتسيالىق مۇمكىندىكتەرى, بيزنەس جۇرگىزۋدى ودان ءارى جاقسارتۋ بويىنشا مەملەكەت قابىلداپ جاتقان شارالار تۋرالى تولىق اقپارات, سونداي-اق ەكسپورتتىق قولداۋ, جەكەشەلەندىرۋ جانە مەملەكەتتىك-جەكەشەلىك ارىپتەستىك شەڭبەرىندەگى نەعۇرلىم پەرسپەكتيۆالى سالالار تۋرالى اقپارات ۇسىنىلدى. بيزنەسمەندەر قازاقستان ۇكىمەتىنىڭ ينۆەستورلاردى قولداۋ اياسىنداعى قىزمەتىن جوعارى باعالاپ, كورسەتكەن قولعابىسى ءۇشىن العىستارىن ءبىلدىردى.
سونداي-اق, م.تىلەۋبەردى تۇركى كەڭەسى حاتشىلىعىنىڭ جاڭا كەڭسەسىنە بارىپ, وسى ۇيىمنىڭ باس حاتشىسى باعداد امىرەەۆپەن ۇستىمىزدەگى جىلعى 31 ناۋرىزدا تۇركىستان قالاسىندا وتەتىن تۇركىتىلدەس مەملەكەتتەر ىنتىماقتاستىعى كەڭەسىنىڭ بەيرەسمي سامميتىنە دايىندىق بارىسىن تالقىلادى.
ساپار سوڭىندا قر ءسىم باسشىسى قازاقتىڭ ۇلى اقىنى جانە ويشىلى ابايعا ارنالعان ءبيۋستتىڭ سالتاناتتى اشىلۋ راسىمىنە قاتىستى, سونداي-اق ونىڭ ەسىمى بەرىلگەن مەكتەپكە باردى. سالتاناتقا ىستانبۇل قالاسىنىڭ مەرى ەكرەم يماموگلۋ, وسى مەكتەپ ورنالاسقان جانە قازاق دياسپوراسى جيناقى مەكەندەيتىن زەيتىنبۋرنۋ اۋدانىنىڭ مەرى ومەر ارىس قاتىستى.
