وتىرىسقا «اتامەكەن» ۇكپ تورالقا توراعاسى تيمۋر ق ۇلىباەۆ, ۇكىمەت مۇشەلەرى, وڭىرلەردىڭ اكىمدەرى, «سامۇرىق-قازىنا» ۇاق» اق, دامۋ ينستيتۋتتارىنىڭ, قازاقستان قارجىگەرلەرى قاۋىمداستىعىنىڭ, وڭىرلىك كاسىپكەرلەر پالاتالارىنىڭ باسشىلىعى جانە ت. ب. قاتىستى.
ۇكىمەت ماقۇلداعان كاسىپكەرلىكتى مەملەكەتتىك قولداۋ شارالارى تۋرالى ۇلتتىق ەكونوميكا ءمينيسترى اسەت ەرعاليەۆ, بيزنەستىڭ جۇيەلى سىن-تەگەۋرىندەرى, جەڭىلدىكپەن نەسيە بەرۋ, ميكروقارجى ۇيىمدارى ينستيتۋتتارىن, الەۋمەتتىك-كاسىپكەرلىك كورپوراتسيالارىن دامىتۋ, وڭىرلەردەگى شوب-تى دامىتۋ الەۋەتى, مەملەكەتتىك ساتىپ الۋداعى جەرگىلىكتى قامتۋ, «سامۇرىق-قازىنا» ۇاق» اق جانە جەر قويناۋىن پايدالانۋشىلاردىڭ ساتىپ الۋلارى تۋرالى «اتامەكەن» ۇكپ باسقارما توراعاسى ابىلاي مىرزاحمەتوۆ, باسەكەلەستىكتى قورعاۋ جانە دامىتۋ اگەنتتىگىنىڭ توراعاسى سەرىك جۇمانعارين, ساۋدا جانە ينتەگراتسيا ءمينيسترى باقىت سۇلتانوۆ باياندادى.
«اتامەكەن» ۇكپ تورالقا توراعاسى ت. ق ۇلىباەۆ بيىلعى 11-12 ناۋرىزدا ەكونوميكانىڭ نەعۇرلىم زارداپ شەككەن سالالارىنداعى بيزنەس وكىلدەرىمەن وتكەن قوسىمشا كەزدەسۋلەردىڭ قورىتىندىسى بويىنشا كاسىپكەرلىكتى دامىتۋدىڭ 59 جۇيەلى سالالىق ماسەلەسى ايقىندالعانىن اتاپ ءوتتى. «اتامەكەن» ۇكپ ۇسىنعان مالىمەتتەر نەگىزىندە پرەمەر-مينيستر مەملەكەتتىك ورگاندار مەن ۇيىمدارعا جەكە سەكتوردى قولداۋدىڭ قوسىمشا شارالارىن, ونىڭ ىشىندە شوب-تىڭ كرەديتتەۋگە قولجەتىمدىلىگىن ودان ءارى كەڭەيتۋ, بيزنەسكە رەتتەۋشىلىك جانە فيسكالدىق جۇكتەمەنى تومەندەتۋ, وتاندىق وندىرۋشىلەردىڭ مەملەكەتتىك ساتىپ الۋلارعا, وففتەيك-كەلىسىمشارتتاردى قولدانۋدى كەڭەيتۋدى قوسا العاندا, جەر قويناۋىن پايدالانۋشىلاردىڭ جانە «سامۇرىق-قازىنا» ۇاق» اق-نىڭ ساتىپ الۋلارىنا قاتىسۋ الەۋەتىن دامىتۋ ارقىلى قاراۋدى تاپسىردى. پىسىقتالىپ جاتقان شارالار اياسىندا وڭىرلەردە اۋىل شارۋاشىلىعى ءونىمىن ءوندىرۋ جانە قايتا وڭدەۋ شارتتارىنداعى ايىرماشىلىقتى ەسكەرە وتىرىپ, اوك-تە سۋبسيديالاۋ جۇيەسى جەتىلدىرىلەدى, سونداي-اق اۋىل شارۋاشىلىعى تاۋارىن وندىرۋشىلەر ءۇشىن قارجىلاندىرۋدىڭ قولجەتىمدىلىگى ارتادى. ۇكىمەت باسشىسى رەتتەلەتىن ساتىپ الۋلارداعى جەرگىلىكتى قامتۋدى باقىلاۋدى, وڭىرلەردىڭ ەكونوميكالىق كارتاسىن ۋاقىتىلى ءارى ساپالى تولتىرۋدى قامتاماسىز ەتۋدى, وتاندىق كاسىپورىنداردىڭ وندىرىستىك قۋاتتارىن جۇكتەۋ ماقساتىندا ولاردى پاسپورتتاۋدى اياقتاۋدى جانە ميكروقارجى ۇيىمدارىن قۇرۋدى جەدەلدەتۋدى تاپسىردى.
ء«بىزدىڭ مىندەتىمىز – بيزنەستى جۇرگىزۋگە قاجەتتى جاعدايلاردى جەتىلدىرۋ جانە كاسىپكەرلىك سالاسىنداعى وزەكتى ماسەلەلەردى جەدەل شەشۋ», دەدى ا. مامين.
2021 جىلى «قاراپايىم زاتتار ەكونوميكاسى», «بجك-2025», «ەڭبەك», «جۇمىسپەن قامتۋدىڭ جول كارتاسى» باعدارلامالارى جانە ۇلتتىق بانكتىڭ اينالىم قاراجاتىن تولىقتىرۋعا نەسيەلەندىرۋ باعدارلاماسى اياسىندا بيزنەستى قولداۋعا 703 ملرد تەڭگە قاراجات قاراستىرىلعان. «قاراپايىم زاتتار ەكونوميكاسى» جەڭىلدەتىلگەن نەسيە بەرۋ باعدارلاماسى بويىنشا 2019 جىلعى جەلتوقسان مەن 2021 جىلعى ناۋرىز ارالىعىندا 700,3 ملرد تەڭگەگە 2855 جوبا ماقۇلداندى, 556,5 ملرد تەڭگەگە 2273 جوبا سۋبسيديالاندى. «بجك – 2025» باعدارلاماسىن ىسكە اسىرۋدا وڭ ديناميكا بايقالۋدا — وسى جىلدىڭ قاڭتار-اقپان ايلارىندا 88,2 ملرد تەڭگە سوماسىنا 669 جوبا سۋبسيديالاندى, 2900 جوبا كەپىلدەندىرىلدى.
