د.قاسەيىنوۆ قازاقتىڭ ۇلى پەرزەنتى اباي قۇنانباي ۇلىنىڭ 175 جىلدىعىنا ارنالعان حالىقارالىق دەڭگەيدە بىرقاتار ءىس-شارا ۇيىمداستىرىلعانىن اتاپ ءوتىپ, ەۋرازيا ۋنيۆەرسيتەتىندەگى كەزدەسۋ سونىڭ قورىتىندىسى ىسپەتتى دەدى. ء«بىزدىڭ ۇيىمنىڭ ماقساتى تۇركىتەكتەس حالىقتاردان شىعىپ, ادامزات وركەنيەتىنە ولجا سالعان ۇلى تۇلعالاردى ۇلىقتاۋ. ءبىز ونى بىرنەشە باعىتتا جۇرگىزەمىز. البوم شىعارۋ ءىسى دە سونداي سەريالى جوبالاردىڭ قاتارىندا. مىسالى, ءدال وسى جوبا بويىنشا 2018 جىلى شىڭعىس ايتماتوۆقا ارنالعان البوم جارىق كوردى. 2019 جىلى ء«ۇش ارىس» البومى جارىق كوردى. بىلتىر تۇرىك دۇنيەسىنىڭ ءىرى اقىنى ءنيزاميدىڭ 880 جىلدىعىنا ارناپ البوم جاساۋعا كىرىستىك. بيىل مىنە, «اباي» البومى جارىق كوردى. البوم قازاقتىڭ ۇلى اقىنى اباي قۇنانباي ۇلىنىڭ 175 جىلدىق مەرەيتويىنا حالىقارالىق ۇيىمنىڭ ارنايى سىيى», دەدى ول.
باس حاتشىنىڭ ايتۋىنشا, ۇلى اقىننىڭ بەينەسى مەن ونىڭ شىعارماشىلىعىن كەسكىندەۋ ارقىلى ونەر تۋدىراتىن قىلقالام شەبەرلەرىنىڭ كوزىمەن تانىتۋ ماقسات ەتىلگەن. جيناققا وتكەن عاسىرداعى جانە قازىرگى زامانعى بەلگىلى وتاندىق قىلقالام شەبەرلەرىنىڭ اباي شىعارمالارىن وقي وتىرىپ دۇنيەگە اكەلگەن كوركەمسۋرەت تۋىندىلارى ەنگىزىلگەن. البومدى حالىقارالىق ۇيىمنىڭ تاپسىرىسىمەن Central Asia Production كومپانياسى اعىلشىن تىلىندە تۇركيادا باسىپ شىعارعان. ال وعان اباي مەن شاكارىم شىعارمالارىن دۇنيە جۇزىنە ناسيحاتتاۋدا قارجى قۇيىپ جۇرگەن بەلگىلى مەتسەنات مەدعات قۇلجانوۆ دەمەۋشىلىك جاساعان.
البومنىڭ تانىستىرىلىمىندا حالىقارالىق ۇيىمنىڭ قازاق رۋحانياتىنا ءسىڭىرىپ جاتقان ەڭبەگى مەن ابايدىڭ 175 جىلدىق مەرەيتويى بارىسىندا اتقارىلعان ءىس-شارالار توڭىرەگىندە سۇلتان ورازالين, عاريفوللا ەسىم, سەرىك نەگيموۆ سىندى بەلگىلى عالىمدار مەن قوعام قايراتكەرلەرى ءسوز الدى.
جيىن سوڭىندا حالىقارالىق ۇيىمنىڭ باس حاتشىسى حاكىم ابايدىڭ 175 جىلدىق مەرەيتويىنىڭ قورىتىندىسىنا وراي ۇيىم اتىنان حالىقارالىق «اباي» مەدالى مەن «قۇرمەت» گراموتاسىن ايتۋلى مەرەيتويعا ارناپ اكادەميالىق باسىلىمدار مەن كىتاپتار دايىنداعان, ماقالالار جازعان, شىعارماشىلىق جۇمىستاردى ۇيىمداستىرعان زيالى قاۋىم وكىلدەرىنە تاپسىردى.
سونداي-اق حالىقارالىق ۇيىم تاعايىنداعان اتالعان ماراپاتتار «Egemen Qazaqstan» گازەتىنىڭ باسشىلىعىنا دا بەرىلدى.
