«كەشە كەشكى ساعات 20:00 شاماسىندا جايىق وزەنىنىڭ مۇزىنا ءتۇسىپ كەتكەن جاسوسپىرىمدەردىڭ كومەككە شاقىرعان داۋسىن ەستىگەن تپوليتسيا كاپيتانى اسقار قابدوللاەۆ جەدەل قۇتقارۋعا كىرىسكەن. جاسوسپىرىمدەردىڭ ءوز كۇشىمەن سۋدان شىعۋعا شاماسى كەلمەگەن. ەكى ءجاسوسپىرىمدى سۋدان امان الىپ شىققان پوليتسەي ولاردى ءوز ۇيىنە اپارىپ, جەدەل-جاردەم قىزمەتكەرلەرىن شاقىرقان. قۇتقارىلعان ۆلاديمير مەن ءدانيلدىڭ ءبىرى – كوللەدج ستۋدەنتى, ەكىنشىسى – 8-سىنىپ وقۋشىسى», دەپ حابارلادى دەپارتامەنتتىڭ ءباسپاسوز قىزمەتىنەن.
دارىگەرلەردىڭ ايتۋىنا قاراعاندا, جاسوسپىرىمدەردىڭ دەنساۋلىعىنا ءتونىپ تۇرعان قاۋىپ جوق. ءتيىستى ەم-دوم جاسالىپ جاتىر. قۇتقارىلعان ءۆلاديميردىڭ اعاسى الەكساندر كريشنەۆسكي پوليتسيا كاپيتانى اسقار قابدوللاەۆقا ريزاشىلىعىن ءبىلدىرىپ, ونىڭ ءىسىن ەرلىككە بالاپ وتىر.
