ADCB – بىرىككەن اراب امىرلىكتەرىنىڭ ەڭ ءىرى بانكتەرىنىڭ ءبىرى, نەگىزگى اكتسيونەرى ابۋ-دابي ۇكىمەتىنە تولىق تيەسىلى Mubadala Investment Company PJSC. بانكتىڭ حالىقارالىق رەيتينگتەرى جوعارى دەڭگەيدە – Fitch Ratings بويىنشا A+/F1/Stable. 2025 جىلعى 31 جەلتوقسانداعى جاعداي بويىنشا ADCB اكتيۆتەرى 210 ملرد دوللاردان استام, مەنشىكتى كاپيتالى – 24 ملرد دوللاردان اسادى, جىلدىق تازا پايداسى – 3 ملرد دوللاردان جوعارى. بۇل كورسەتكىشتەر ەنشىلەس بانككە ۇزاق مەرزىمدى قارجىلىق قولداۋ كورسەتۋ قابىلەتىن راستايدى.
ەنشىلەس بانككە قاتىستى ADCB جالعىز اكتسيونەر بولادى. باس بانك قازاقستان زاڭناماسىنا سايكەس جارعىلىق كاپيتالدى قالىپتاستىرىپ, ستراتەگيالىق باسقارۋ مەن قارجىلىق-وپەراتسيالىق قولداۋدى قامتاماسىز ەتەدى.
جاڭا بانك بانكتىك قىزمەتتەردىڭ تولىق سپەكترىن ۇسىنۋدى جوسپارلاپ وتىر, سونىمەن قاتار «يسلام تەرەزەسى» ارقىلى يسلامدىق قارجىلاندىرۋدى دامىتۋعا نيەتتەنەدى. بۇل نارىققا بالامالى قارجى قۇرالدارىنىڭ قولجەتىمدىلىگىن ارتتىرادى. امبەباپ بانك ليتسەنزياسى بانك ينفراقۇرىلىمى دايىن بولعان سوڭ جانە قىزمەتتى باستاۋعا بارلىق دايىندىق جۇمىستارى اياقتالعاننان كەيىن بەرىلەدى.
اگەنتتىك كەلىپ تۇسكەن ءوتىنىش پەن قۇجاتتار نەگىزىندە باسقارمانىڭ 2026 جىلعى 20 ناۋرىزداعى № 8 قاۋلىسىمەن ADCB-عا ەنشىلەس بانكتى اشۋ رۇقساتى بەرىلدى. سونىمەن قاتار, قۇرىلاتىن بانككە بانك حولدينگى مارتەبەسى مەن ەنشىلەس ۇيىم قۇرۋعا قاتىستى رۇقساتتار دا بەكىتىلدى.
ۇلتتىق بانك 10 مىڭ تەڭگەلىك ەسكى بانكنوتتاردى پايدالانۋ مەرزىمىن ۇزارتتى
جاڭا بانكتىڭ اشىلۋى قازاقستاندا بانك سەكتورىنداعى باسەكەلەستىكتى دامىتۋعا, بيزنەس پەن حالىق ءۇشىن قارجىلىق قىزمەتتەر اياسىن كەڭەيتۋگە جانە حالىقارالىق بانك كاپيتالىن تارتۋعا ىقپال ەتەدى.
