كورشىلەرىنىڭ ايتۋىنشا, ول ونىڭ ەتىمەن مىسىقتارىن بىرنەشە كۇن بويى تاماقتاندىرعان. كۇدىكتى ءوز قىلمىسىن مويىنداپ, بارلىق بولعان ءمان-جايدى ايتىپ بەردى.
مالىمەتتەرگە سايكەس ايىپتالۋشى 2 ناۋرىزدا ىشىمدىك ءىشىپ, كورشىلەرى دانيار جانە الەكساندردى ۇيىنە قوناققا شاقىرادى. بىراق الەكساندر كەلۋدەن باس تارتقان, ال دانياردى سودان كەيىن ەشكىم كورگەن جوق.
كۇدىكتى ءۇش كۇننەن كەيىن عانا مايىتتەن قۇتىلۋعا شەشىم قابىلداعان. تۇندە ول دەنە مۇشەلەرىن پاكەتتەرگە سالىپ, سول ماڭداعى ەڭ جاقىن ۇيلەردىڭ قوقىس جاشىكتەرىنە اپاردى. كوممۋنالدىق قىزمەتتەر تسيستەرنالاردى بوساتۋعا ۇلگەرمەگەندىكتەن, پوليتسەيلەر قالدىقتاردى تاۋىپ ۇلگەردى.
ء«ىزىن سۋىتپاي 33 جاستاعى كۇدىكتى انىقتالىپ قولعا ءتۇستى. ولار پاتەردە ىشىمدىك ءىشىپ, سوڭى جانجالعا ۇلاسقان. قىلمىسكەر سول كەزدە كىسى ولتىرگەنىن مويىندادى», دەيدى قاراعاندى وبلىسى بويىنشا دپ ءباسپاسوز حاتشىسى باقىتجان قۇدياروۆ.
تەرگەۋ قىلمىستىڭ بارلىق ەگجەي-تەگجەيىن انىقتاعان جوق. بىراق كورشىلەر قورقىنىشتى مالىمەتتەرىمەن ءبولىسىپ, ونىڭ بۇعان دەيىن دە بىرنەشە اۋىر قىلمىسى بولعانىن ايتتى.
رابيعا مۇرات
