ايماقتار • 11 ناۋرىز، 2021

اتىراۋ وبلىسىنداعى 3 اۋداننىڭ تۇرعىندارى «ساعات بويىنشا» سۋ الادى

80 رەت كورسەتىلدى

سەناتور عۇمار دۇيسەمباەۆ اتىراۋ وبلىسىنداعى اۋىز سۋ ساپاسىنىڭ جاعدايىنا الاڭداۋشىلىق ءبىلدىردى، دەپ حابارلايدى Egemen.kz.

ەلىمىزدىڭ پرەمەر-ءمينيسترىنىڭ اتىنا جولداعان دەپۋتاتتىق ساۋالىندا ول وبلىستاعى وزەندەردىڭ سۋىنىڭ ازايۋى جەر استى سۋ كوزدەرىنىڭ ازايۋىنا اكەلىپ سوققانىن جانە ەكولوگيا مەن اۋىل شارۋاشىلىعىنا تەرىس اسەر ەتكەنىن اتاپ ءوتتى. ودان باسقا، بالي جانە جاڭاسۋ كەن ورىندارىندا جەر استى سۋ كوزدەرىن پايدالانۋ، سونداي-اق 200-گە جۋىق ۇڭعىمانى جوندەۋ نەمەسە جويۋ ماسەلەسى شەشىلگەن جوق.

سەناتور دۇيسەمباەۆتىڭ ايتۋىنشا، وڭىردەگى نەگىزگى اۋىز سۋ كوزىنىڭ ءبىرى بولىپ تابىلاتىن «استراحان-ماڭعىشلاق» ماگيسترالدى سۋ قۇبىرى دا جاڭعىرتۋدى جانە كەڭەيتۋدى قاجەت ەتەدى. وسى پروبلەمالاردىڭ سالدارىنان  وبلىستاعى 7 اۋداننىڭ 3 اۋدانى تۇرعىندارى جازدا سۋدى «ساعات بويىنشا» الۋعا ءماجبۇر بولىپ وتىر.

«قالىپتاسقان جاعدايعا بايلانىستى جەر استى سۋ قورلارىن راستاۋ، وزدىگىنەن اعاتىن ۇڭعىمالاردى جويۋ جانە جوندەۋ ءۇشىن قاراجات بولگەن دۇرىس بولار ەدى. سونداي-اق ۇلكەن جەراستى تۇششى سۋ كوزى ورنالاسقان قىزىلقوعا اۋدانىنداعى «تايسويعان» پوليگونىنىڭ ءبىر بولىگىن پوليگون يەلىگىنەن شىعارۋ ماسەلەسىنە ويىل، ساعىز جانە جەم وزەندەرى بويىنشا ءتيىستى جۇمىستار جۇرگىزۋ شارالارىن قوسا وتىرىپ رەسەي فەدەراتسياسىمەن كەلىسسوزدەر جۇرگىزۋ قاجەت»، دەپ اتاپ ءوتتى عۇمار دۇيسەمباەۆ.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:40

847 ادام كوروناۆيرۋس جۇقتىردى

كوروناۆيرۋس • بۇگىن، 09:00

ۇقساس جاڭالىقتار